插圖： Wendy
揞名爆
「大眼」有波無品 「飯局」嚇親人
港娛樂圈周不時有女星「飯局」，相信大家都聽得多。查實隔一個海嘅台灣亦有呢樣嘢好耐嘞！仲連堅係紅嘅「大眼」都有去㗎。事關嗰邊有班富二代長期都會搵中間人搞呢啲「飯局」，佢哋出得起錢，啲女星又想嫁人豪門，梗係仆到去啦。
吖，講起「大眼」，話說佢有次去「飯局」只係化咗個淡妝，大家初時係完全唔認得佢，淨係覺得佢身材勁。係後尾傾傾嚇，先知「大眼」就係成日喺電視機見到嘅紅歌星咋，陰功！
咁個樣「貨不對辦」，大家都算嘞。反正依家啲女星個樣時時「升級」，實在記唔到咁多。之但係，經過一餐飯嘅時間，成班富二代就俾「大眼」嘅食相同談吐嚇親，寸嘴難頂唔在講，最慘係舉止粗魯又自以為好靚嘛！所以個個一食完就雞咁腳走人。 Well，男人係膚淺，但內涵嘅嘢，點都會睇嚇囉。
邊個係「大眼」？
1.身材係好，但有「打假波」嫌疑啫。
2.緋聞係唔少，但仲未上到岸囉。
|
鍾意就快D Share啦！
|
|
|
