掃呢頁CODE去手機

2014年7月18日 星期五

[忽然1周 990] 老公搭路唱脫衣騷 千嬅妖媚 MV捱轟 千嬅,楊千嬅,MW,




黑絲露髀

娛樂喧

老公搭路唱脫衣騷 千嬅妖媚 MV捱轟

40歲的烈女楊千嬅,在最新國語歌〈色惑〉的 MV中,化身成性感小野貓,戴上魔鬼耳,穿着黑褻衣、魚網襪,造型超重口味。

據知去年中,千嬅到澳門睇完歌舞劇《 TABOO色惑》後,一睇愛上。而老公丁子高因與主辦單位「新濠天地」時有合作,於是為老婆搭路,為大型脫衣騷唱主題曲,成功賺了近千萬酬勞。

不過,妖媚 MV一出,千嬅即被網友圍插,嘲她「年紀大」、「衣不稱身」,劣評如潮。








去年中,千嬅同老公過大海欣賞完《 TABOO色惑》後,被當中性感舞蹈吸引,千嬅之前已想做一首性感快歌,丁子高於是拍心口,幫老婆同主辦單位「新濠天地」傾合作。「 Real(丁子高)同新濠天地啲高層好熟,佢哋好多 event都係俾 Real搞。 Real把口得,力 sell千嬅唱歌舞劇主題曲,仲提議 MV構思,千嬅造型會搞到從未咁性感。澳門主辦方都好有興趣,可謂一拍即合。千嬅都想老公同嗰邊關係再上一層樓,自己賺錢之餘亦幫到老公生意,於是放膽去拍。」知情者說。

摸籮

千嬅以魚網襪加黑褻衣,為新歌〈色惑〉拍 MV。她更出手自摸胸部及 pat pat,意識大膽。

摸胸

為準備拍〈色惑〉的 MV,千嬅早在半年前開始減肥,就算最愛的魚生也少食。不過最重要的,還是丁子高的鞭策。千嬅話:「我老公每次食飯時,佢自己大口大口食乾炒牛河,但就提住我『你唔好食嘢、你唔好亂食嘢、食少啲』,又提我幾時夠鐘跑步。」

唔少網友指睇唔慣千嬅行性感,又寸她唱的國語唔正。更有網友笑千嬅年紀唔細至學人行性感,搞到丁子高都睇唔過眼,還擊話「請問 Madonna今年幾歲?」,話明只要夠索,幾多歲都性感得起。

做足心理準備

拍攝時,千嬅需要着上性感喱士褻衣及魚網襪,又要掃胸同扭籮,全情投入做性感舞孃。千嬅初次行性感,早就有心理準備有反對的聲音,加上千嬅今年事先張揚出廣東碟,但〈色惑〉是國語歌,令她被網友質疑是否染指內地,離棄香港市場。更被網友取笑,指她「嚇怕了不少人」、「你的歌不要這樣妖艷好麼?」……

儘管惡評如潮,但她對〈色惑〉仍充滿期望,曾多次強調「改變先要得罪自己,再得罪別人,來走出尋常的框架」。千嬅無奈地表示:「今次係唔同嘅嘗試,我明年入行 20周年,嚟到呢個年紀,再有機會出唱片,我都希望做啲新嘅嘢,令自己有推動力。〈色惑〉嘅出現,原因係好耐冇一啲舞台感重啲嘅造型,今次可能比較多肢體語言、可能性感啲,大家好少 imagine到我會嘗試……我好想喺自己仲有呢個能力、衝動嘅時間去試多啲,所以完成咗〈色惑〉呢首歌。」

面對批評,千嬅仍然忠於自己,看來已為人母的她,烈女「不怕死」本色依舊!

其實 MV除了褻衣 look,還有其他較保守的造型,呢個白衣皇后 look亦相當出位。

千嬅在老公鞭策下成功減掉十多磅肥肉,拍攝當日丁子高亦有監場。

老公搭路

《 TABOO色惑》登場後,引起極大迴響。去年中,丁子高找來樂基兒,率領性感火辣的《 TABOO色惑》兵團在中環出巡。

其實不少娛圈靚女都是《 TABOO色惑》 fans,好似汪圓圓、汪詩詩、琦琦及周汶錡都要搵女 dancer(中)影合照。

千嬅少有性感,多年前她被發現着 T-back走光,才令人發現她「內裏 open」。

中女大解放

唔止已為人母嘅楊千嬅挑戰性感極限,其實近年圈中不少中女都賣大包,忽然在 MV性感示人。

薛凱琪着褻衣

今年三月,已經 32歲嘅薛凱琪,忽然以多個性感造型為歌曲〈 Contagious〉拍 MV。當中她除了露背露長腿,更有性感褻衣 look,相當誘人。

田蕊妮大 deep V

36歲阿田今年初次推出個人大碟,為了製造話題,阿田拍 MV及開個唱時不惜大露背及大 deep V,令人眼前一亮。

關心妍遭禁播

今年復出的 34歲關心妍暫緩生育計劃,以「 C-12」身份為新歌〈罪名〉拍 MV,可惜因太性感和意識不良,兩度在 YouTube被禁播。



鍾意就快D Share啦!