[忽然1周 991] 周柏豪冇膽咀劉心悠 柏豪,劉心悠,心悠,周柏豪,MW,

心悠 BB同周柏豪街頭激吻，不過第一 take周柏豪成個人縮埋，仲緊張過心悠 BB。

媽咪姐

周柏豪冇膽咀劉心悠

周柏豪同劉心悠最近為電影《小姐誘心》趕戲，上星期媽咪姐咁啱經過大坑，竟然見到佢哋拍緊外景，周柏豪仲要當街跪地，向心悠 BB求婚㖭！

「大文豪」周柏豪成日喺微博發表佢嘅偉論，呢啲係個人言論自由，媽咪姐就唔評論喇！但係講到拍戲呢樣嘢，佢對住「宅男女神」心悠 BB，就唔夠專業囉！好多男演員為免涉嫌抽水，通常會事前溝通好晒，盡量一 take過收工。但佢呢，拍呢啲攬啜場面，拍咗幾 take都唔夠放，下下自動波就住就住。唉！導演葉念琛睇 playback睇到皺晒眉，心悠 BB見到咁，只好叫大文豪放鬆啲，加多兩錢肉緊快啲搞掂。要女仔開口，佢真係要檢討下囉！

周柏豪上星期喺大坑，當眾向心悠ＢＢ跪地求婚，仲出動到鮮花同戒指，好浪漫啫。不過啱啱停雨，地下好濕，周柏豪就住跪。

睇 playback嗰陣，導演葉念琛嫌周柏豪唔夠肉緊，劉心悠喺隔籬幫佢解畫，主動要求嚟多次。

周柏豪費事再激親導演，同劉心悠對稿嗰陣，就係咁問導演意見補鑊。

莊思敏同「黑仔」姜皓文演夫婦，未夠鐘埋位，佢哋就坐埋去劉心悠同周柏豪張枱吹水。

鍾意就快D Share啦！

下一篇 》