全城熱爆的娛樂八封新聞 & 時事趣聞 & 生活 + 趣聞
（後排左起）吳家樂、張錦程、王賢誌，（前排左起）黃𨥈瑩、陳彥行同歐子欣，都係九十年代尾嘅《 K-100》主持。
以前喺 90年代尾做過大台節目《 K-100》主持嘅吳家樂、張錦程同王賢誌（ Vinci）等，耐唔耐約埋一班台前幕後拍檔食飯。上星期佢哋又聚會喇！媽咪姐都有去八吓，仲發現《 K-100》啲女主持真係 keep得好喎。好似黃𨥈瑩同行姐陳彥行咁，無走樣之餘，仲紅光滿面，索呀！就算係同林家棟拍過《碧血劍》，後來極速嫁人退出嘅歐子欣，都一樣係個靚 C9。反而好耐無見、近年返大陸拍嘢多嘅張錦程，個樣真係飽歷滄桑，要補吓喇。
飯局時播放昔日《 K-100》嘅片段，黃𨥈瑩同 Vinci扮緊《六指琴魔》入面嘅角色呀。
近睇， 39歲嘅黃𨥈瑩依然好 sharp！佢拎住嘅係王賢誌為廣華醫院重建籌款嘅 DVD，裏面輯錄咗 Vinci訪問多位名人嘅片段。
歐子欣曾擔正《碧血劍》女主角，同林家棟有唔少對手戲，依家已經係四子女之母，同吳家樂、張錦程大談湊仔經。
