馬賽三度爆喊 重案組介入
無綫女藝員馬賽自艷舞片流出後，昨日首度現身電視城會見高層，事後舉行記者會，重提舊事三度爆喊，自覺最對不起父母，更自爆抑鬱要服食精神科藥物，同時又透露警方重案組已介入調查事件，追查短片發放來源。另外，有同情馬賽的網民圍插汪子琦冇品，胡杏兒則與Laura對罵。
馬賽昨午約四時許，獨自駕車現身電視城，即使化了淡妝亦難掩一臉憔悴，她在會見藝員部高層樂易玲之後出席記者會，會上她表示被公司暫時無限期要求停工，當被問到有關艷舞片流出，馬賽不惜三度落淚，問到片短何時拍？她表示：「上年，依家報咗警，重案組今日上咗嚟我屋企錄口供。（啲片邊個拍？）警方會查，總之係一個親蜜愛人拍。（仲有冇片？）唔知，應該仲有。」有沒有覺得片推出後摧毀了事業？馬賽忍不住狂哭，她說：「交畀警方查啦，我係成年人要負返責。」
網民狂插舊愛汪子琦
馬賽自爆上年到現在過得不容易，期間有看過精神科，因為抑鬱症更要服食藥物，問到是否因為驚片短流出？她說：「唔係，當時同親密人一起唔擔心，而係有好多嘢分唔清。」馬賽接受《東張西望》訪問自覺事件上最對不起雙親，又自言重案組向她表示已幫她減少短片在網上流傳。大約六時許馬賽離開電視城直返家中，一直未有外出。
另外，有不少網民同情馬賽，圍插其舊愛汪子琦冇品，而身為好友的胡杏兒更為馬賽出頭在網上和Laura爆發罵戰，杏兒表示：「Laura放過別人，也放過自己！」而Laura亦回敬：「胡小姐我冇唔放過自己或他人，只係覺得有人在做咗道德敗行的事情上，歪理當真理。」
文：影視組
|
鍾意就快D Share啦！
|
|
|
