掃呢頁CODE去手機

2014年7月2日 星期三

[FACE 371] 勤有功 激減 20磅做打女 失婚梁靖琪:個胸冇縮到 梁靖琪,BKD_S,MF,




Toby操咗半年,雖然未操到變張家輝,但隱約見到腹肌紋,塊面亦尖咗好多。

真面目

勤有功 激減 20磅做打女 失婚梁靖琪:個胸冇縮到

失婚唔代表失敗,冇男人一樣活得精彩。 31歲 Toby梁靖琪,去年經歷離婚,人生跌入谷底,試過暴肥廿磅。

未有愛情唯有愛自己,雖然老豆梁家樹離任大台戲劇製作總監,冇咗大靠山,不過 Toby依然有劇拍,嚟緊新劇《武當》仲上位做女二,由頭打到尾。為咗轉型做打女, Toby日以繼夜操弗,半年間由 120磅減至 102磅,她說︰「瘦番差唔多廿磅,但最緊要上圍冇縮水。」

31歲 Toby梁靖琪去年同結婚僅年半嘅老公黃敏豪離婚,失婚受盡打擊,更令 Toby日夜喪食減壓,暴肥 20磅。經家人和朋友開解, Toby重新振作,咁啱 7月底會開拍新劇《武當》,之後更會進軍影壇。 Toby積極瘦身,更搵私人教練日日操肌同打泰拳,為做打女鋪路。



當日人流眾多,著得少布嘅 Toby,當然成為焦點。不過 Toby冇理其他人目光,跟教練指示,趷籮又𠌥身。

'11最肥

11年 Toby最肥,成 125磅,當時冇運動嘅佢,當然肥《蘋果日報》圖片

Toby同黃敏豪結咗婚年半就離婚,之前經常拍得二人拍拖行街,又點諗到二人會離婚收場。《忽然 1周》圖片

新劇做女二

Toby同家人關係親密,上週日( 22日)同老豆梁家樹(左) farewell,不過佘詩曼(右)喺微博踢爆原來梁家樹只係去外地 3日咋。

眾所周知 Toby有個大台猛料老豆梁家樹,差不多 Toby每套劇,都係老豆穿針引線,但今年 2月梁家樹已離職。雖然冇老豆照住,但新劇《武當》, Toby都升呢做女二,戲分雖然唔及楊怡,但劇中打戲拍得住男一錢小豪。為做好呢個角色, Toby開劇前搵私人教練日日操,成功搣 20磅肥膏。

34D冇跌 Cup

上週一( 23日), Toby同私人教練 Ivan一齊喺觀塘海濱長廊跑步兼操肌。雖然素顏現身,但 34D上圍仍然有睇頭,三十幾度高溫操足兩個鐘,絕對唔 hea。

Toby對本刊說︰「其實操咗半年喇,我想有個新形象畀大家,希望 31歲先嚟做打女都未遲,𠵱家瘦咗 20磅!(驚唔驚跌 cup?)上圍 size我從來唔擔心,應該冇縮水啩。(新形象博入屋?)哈哈!我知自己觀眾緣麻麻,我都搵緊原因,可能係自己啲負面新聞但我希望大家繼續畀機會我!我會做好啲。」

點操?

除咗跑步,泰拳、太極, Toby亦日日舉鐵,仲成日推上胸,但佢話:「一啲都唔擔心上圍 size。」網上圖片

●每日食 5件雞胸肉

●跑 45分鐘+打泰拳 1個鐘(每週 2次)

●跑 45分鐘+耍太極 2個鐘(每週 2次)

●舉鐵、 TRX+打泰拳各 1個鐘(每週 2次)

冇觀眾緣? Toby:我都知英文刺耳

其實 Toby都自知觀眾緣有待改善,亦希望觀眾畀個機會佢!不過播緊嘅《點金勝手》,佢飾演嘅差婆,成日講英文,被網民話好刺耳喎。 Toby就話:「我都知,監製又叫我同 MC Jin講多啲英文。我都覺英文多咗少少,但冇辦法劇本咁寫。」大家畀嚇機會 Toby囉!

第 15集 Toby同一眾同事喺天台 gathering,期間講:「 Who are we? We are CCB!」被網民話好刺耳。查實佢都係照劇本讀啫,大家體諒下啦。電視畫面



鍾意就快D Share啦!