全城熱爆的娛樂八封新聞 & 時事趣聞 & 生活 + 趣聞
名為「肥腸狂想曲之山內藍篇」嘅寫真 postcard，由山內藍搭屈臣氏廣告內的肥腸演繹，係就係有啲奇怪，但新鮮感加分。
書展週三（ 16日）開鑼，今年除咗有「藍莓」劉俐、陳蕊蕊出寫真，仲有 42吋長腿、來自東京但擁有四份一中國血統的日模山內藍加入戰團。
山內藍大騷 42吋長腿，肥腸企埋去，當然令山內藍身材睇落更正！
現年 27歲，跟另一日模松岡李那同一經理人公司 Jam Cast嘅山內藍，為迎戰一班本地胸模，專登請埋因拍屈臣氏「脂肪當錢使」廣告彈起嘅肥腸（徐浩昌）合作。山內藍 16歲已經做 model，來港前喺上海工作，講到流利國語，做過電視節目主持，今次出戰書展，山內藍講明唔會跟足香港𡃁模嗰套。「我真的不明白為何寫真集只能賣弄身材，有些照片更加可以用低俗來形容。全裸了又如何？我不能接受推出和她們一樣的寫真集，讓自己留下人生污點。」 FBI聽聞山內藍同肥腸嘅寫真 postcard有故事有內容，遲吓仲孖埋肥腸拍網上短片，同讀者多啲互動咁話。
