掃呢頁CODE去手機

2014年8月8日 星期五

[忽然1周 993] 古仔、 Chilam費事煩 同 Sammi、阿佘零交流 Sammi,張智霖,Chilam,古天樂,古仔,許冠傑,Sam,佘詩曼,阿佘,鄭秀文,MW,




Sam哥吳鎮宇夾喺兩對緋聞情侶中間,冇嘢幫到手,好尷尬。

媽咪姐

古仔、 Chilam費事煩 同 Sammi、阿佘零交流

講咗一排,《衝上雲霄》會開拍電影,終於找數!周日( 3日)仲舉行開鏡拜神。不過今次電影公司擺明搞事,安排兩對舊緋聞情侶同場,張智霖同佘詩曼、古天樂同鄭秀文。雖然佢哋唔係演情侶,但總有機會碰面,電影未開,就傳 Sammi同 Chilam嘅另一半詐型。

媽咪姐呢日見得閒去咗現場,佢哋真係零交流, Chilam見到阿佘企右邊,就好似瞓厲頸咁, keep住望中間,或者同左邊嘅 Sam哥吳鎮宇吹水。古仔呢,雖然 Sammi有偷望佢,仲想搵機會打招呼,但古仔似乎為咗之前傳 Sammi怕安仔呷醋,臨時推咗佢投資部戲嘅事,嬲咗!眼尾都冇望 Sammi一眼。睇嚟呢套戲,真係要靠 Sam哥打救喇!

有傳怕安仔呷醋, Sammi就推咗古仔投資嘅電影,唔知係咪咁反咗面,同場冇打招呼, Sammi只好偷望。

係人都知靚靚袁詠儀夠惡, Chilam再見阿佘冇兩句,費事又觸動老婆嘅神經。

Chilam同阿佘十幾年前拍《十月初五的月光》傳過緋聞。

Sammi同古仔 15年前拍《寵物情緣》傳過緋聞,事隔多年再喺電影《高海拔之戀 II》合作再傳翻撻。



鍾意就快D Share啦!