全城熱爆的娛樂八封新聞 & 時事趣聞 & 生活 + 趣聞
身為主角之一嘅薛凱琪，排完舞頭冇洗，涼冇沖，換件衫即趕嚟出席首映，仲同方大同打情罵俏㖭。
呢期忙緊演唱會嘅薛凱琪（ Fiona），早兩日都特登抽時間趕去出席自己演出嘅《閨密》首映。佢仲自爆排咗 6個鐘舞之後，冇洗頭沖涼，只係化個妝換件衫就衝住嚟。
近期轉型做瑜伽導師嘅 Coffee，當晚亦着到靚一靚出席，一到場就主動埋去同導演黃真真吹水，真係識撈。
咁就梗係要事關阿 Fi個「永遠緋聞男友」方大同幾俾面呀，一早到場支持。不過當記者問到佢哋算唔算閨密嗰陣。阿 Fi就咁答：「我就梗係當佢係我閨密啦，乜嘢心事都會同佢講。不過佢就一定會話：『係呀，烏龜個龜，一隻襪個襪呀嘛！』」 Well，大家千祈唔好以為薛凱琪嬲方大同，佢講呢句嗰陣，笑得不知幾 sweet呀。
