掃呢頁CODE去手機

2014年9月19日 星期五

[忽然1周 999] 全城瘋搶  iPhone 6 iPhone 6,政治時事,MW,




李玟可以近距離窺 Apple Watch真身,可能遲吓佢仲會率先戴呢隻錶去 ball,養眼過名貴珠寶。

博出位

全城瘋搶  iPhone 6

1.5億六合彩史上最高頭獎夢碎,就連三個字都冇份,我哋呢班打工仔又要繼續捱騾仔。

不過香港地勝在有蘋果,帶挈我哋搵快錢,就連一班藝人都瘋搶 iPhone 6,家陣只跪求唔好咁狠心 cut單呀!

李玟 踩入發布會

除咗李玟外,周迅老公高聖遠亦獲邀出席。高聖遠原來咁有江湖地位,似乎佢同周迅段婚姻未必係女尊男卑囉!

識搶一定係飛去美國搶機。李玟嫁咗俾加拿大籍富商 Bruce後,地位同排場愈來愈犀利。佢仲巴閉到獲邀出席,喺三藩市舉行嘅蘋果新品發布會,即試即訂,全球最快。難得可以踩入發布會現場,佢當然唔執輸影低呢個歷史時刻放上微博,呢啲係要晒嘅!

Donald 驚青炒家

iPhone炒價真係高到難以置信,炒機好過打工。不過成功入手 iPhone 6嘅 DJ Donald,就擔心自己坐艇。講真一句,蘋果一日未宣布內地幾時有得賣,炒價依然高企。加上貨幣問題,內地機價定必貴過香港。與其擔心蝕錢,不如擔心會唔會被 cut單好過

鄭敬基 越洋訂機

買 iPhone 6嘅機會率同中六合彩一樣咁渺茫,有人唔想㩒到部腦爛,所以搵唔少外地朋友幫手。曾經移民過加拿大嘅鄭敬基,就越洋搵咗住喺多倫多嘅死黨訂機,結果俾佢成功買到,仲要 9月中就有得攞。炒價高企,點知佢有冇心郁郁賣機呢!

曾國祥 九機搜刮

香港果迷可以快人一步,於上周五( 12日)下午 3點喺官網訂機。唔少市民為咗自用或者炒機,各出奇謀,造成官網癱瘓。曾志偉大仔曾國祥就準備咗三部電腦及六部 iPad同步上網搶機。但睇佢連網都入唔到,好大機會得個吉。



鍾意就快D Share啦!