掃呢頁CODE去手機

2014年9月19日 星期五

[忽然1周 999] 有賺得賺 譚小環生日賣魚蛋 譚小環,MW,




小環正日生日掛住看檔,做生招牌,同班客仲好好傾。

媽咪姐

有賺得賺 譚小環生日賣魚蛋

因為劇愈拍愈少、兩年前決心離開無綫嘅譚小環,息影後做少奶奶悶得滯,今年 3月又癮起,同做保險嘅老公蔡強榮加埋班朋友開魚蛋檔,又真係俾佢搵得多過做港姐嗰陣喎。

前幾日媽咪姐行開銅鑼灣渣甸街嗰頭,咁啱見到小環又睇緊舖,同啲客好好傾,仲有小妹妹搵佢合照㖭。當佢行出舖頭,班員工好似變魔術咁,拎咗個蛋糕出嚟,上面仲寫住「小環姐姐十八歲卜卜脆」。原來當日係呢位 94年港姐冠軍 42歲生日,小環吹完蠟燭之後,就叫老公分蛋糕,而自己呢,又掛住個檔,行番埋位打包幾串魚蛋俾客。望真啲,小環呢日冇化妝又着到好街坊,睇嚟佢都冇打算去慶祝,賺多幾串魚蛋錢好過!

有餅切

42歲嘅小環,收到員工送俾佢嘅生日蛋糕,可見佢係個好老闆!

切完蛋糕,小環就繼續包外賣,分蛋糕呢啲粗重嘢交俾老公搞掂。

睇番 20年前小環當選「港姐」冠軍個樣,同依家變化唔大。

唔靠無綫仲好景

唔只譚小環出外闖,有唔少女藝員離巢後,自己搞生意,比起喺無綫發展更好。

宋芝齡早前開韓式小食。之後因為佢要開韓語學校教韓語,同埋韓式婚紗店,先至將租緊嘅舖位轉俾譚小環開魚蛋檔。

李思欣同范振鋒結婚後,今年得到老公打本俾佢開網上商店賣鑽石,而兩公婆另外又同朋友夾份開火鍋店、保齡球場等,分散投資搵錢。



鍾意就快D Share啦!