2014年9月8日星期一

陳爽挺巨肚玩瑜伽屈膝跪地都耍家陳爽,

【短片】【新鮮娛頭】陳爽挺巨肚玩瑜伽屈膝跪地都耍家

2014-09-08 07:30:00

其他影片：>>

【新鮮娛頭】陳爽挺巨肚玩瑜伽屈膝跪地都耍家

玩瑜伽唔單止林芊妤（Coffee）玩得叻，就連有8個月身孕嘅陳爽亦一樣咁耍家。陳爽雖然下個月生得，但佢依然相當好動，除咗出席活動之外，仲玩埋孕婦瑜伽，原來佢想自然分娩，希望以健康天然方式生B，所以知道自己有咗之後即刻報讀孕婦瑜伽課程，等生仔時都順利啲！

日前陳爽親身示範孕婦瑜伽，見佢屈膝跪地同單腳獨立平衡等姿勢都輕易完成，身手相當敏捷。陳爽話陀B令胸部升Cup，但同時亦令佢腰背有壓力，瑜伽正好俾佢做伸展動作舒緩。佢仲話：「拉鬆大腿肌肉好重要，從瑜伽學識鼻呼氣、嘴吸氣，生B時用呢個呼吸方式，會令自己冇咁緊張。」陳爽今胎陀仔，佢話中文名由長輩決定，英文名就由佢同老公負責，佢笑話：「改定幾個名，等BB出世後叫佢，應邊個名就用邊個啦。」

早喺5月時，陳爽陀住B仔同老公去西班牙同法國旅行，估唔到勁鍾意旅行嘅佢，又再心郁郁計劃出年復活節一家三口去旅行，等B仔可以試吓坐飛機之餘，佢兩公婆唔使留低小朋友喺香港而搞到心掛掛喎。

場地提供：ELITE STARZ

懷孕8個月嘅陳爽，為令下個月順利生B而勤做孕婦瑜伽。