掃呢頁CODE去手機

2014年9月24日 星期三

[FACE 383] 失戀詩詠又搵 TB MF,




晚飯食足個半鐘,唐詩詠全晚 keep住擺呢個 pose聽拿拿淋講嘢。 TB對靚女,認真有辦法。

全知言

失戀詩詠又搵 TB

同崔建邦離離合合多年嘅唐詩詠,終於得到解脫,皆因邦邦已經另尋新歡,而唐詩詠亦不得不接受現實,過番一個人嘅生活。

雖則話同洪永城有待發展,冇咗邦邦嘅唐詩詠,冇搵忙住拍《張保仔》嘅洪永城,反而身邊就有個同佢成日孖公仔嘅 TB密友,前港台 DJ拿拿淋(李慧娜)。上週三( 17日),唐詩詠出席完活動之後,就上咗拿拿淋車,去咗將軍澳坑口村食晚飯,難得大熱天時,唐詩詠又唔介意踎大排檔,二人搵咗個角落頭位,叫咗條魚,一人一個椰青就起勢傾,雖然全知言聽唔到佢哋傾咩,但係詩詠 keep住都有笑容,仲輕托香腮,望實拿拿淋。點解靚女身邊都總會有 TB?咪就係咁多年嚟喺呢啲寂寞時候,總會有細心過男人好多嘅 TB陪實囉。

前一晚食完宵夜,翌日唐詩詠單拖去到香港仔,由於唔識路,詩詠只好不斷打電話,途中仲問吓西裝男!

期間疑似被路人認出,並要求合照,不過詩詠 say晒 no話唔好。



鍾意就快D Share啦!