2014年10月3日 星期五

[忽然1周 1001] 陳煒約滿陪老公 陳煒,MW,




誠品拍拖

陳煒老公難得來港,但佢哋嘅拍拖地點就揀喺書店打書釘,真係估佢哋唔到囉!

媽咪姐

陳煒約滿陪老公

陳煒明明嫁咗個台灣商人顏志行,媽咪姐真係諗唔明,點解佢要回流返香港?佢成日要跟個老公四圍飛,會搞到啲皮膚差晒,但唔通聚少離多好咩?

查實煒哥俾人傳過 N次婚姻有危機,佢一次又一次澄清冇咁嘅事。好彩呢次真係有圖有真相!就前排之嘛,媽咪姐親眼目擊煒哥兩公婆去咗銅鑼灣嘅誠品打書釘。平時忙到甩轆嘅老公,咁有心抽時間嚟香港休息,仲陪老婆 shopping兼睇書,即係感情冇問題啦。媽咪姐仲八到煒哥今次終於俾老公真情打動,出年年尾同大台約滿即時走人,返台灣努力造人咁喎!媽咪姐真係好希望快啲見到呢一日啦。

現時身為大台藝人嘅陳煒,據知仲有年幾約,依家就喺上海拍緊《梟雄》。

08年 1月,陳煒同老公冇舉行鋪張嘅婚禮,只係喺兩位證婚人面前簽紙完婚。



鍾意就快D Share啦!