2014年10月3日 星期五

湯唯首次以金太身分抵釜山電影節 贏得韓國國民歡心 湯唯,




【韓流】湯唯首次以金太身分抵釜山電影節 贏得韓國國民歡心

2014-10-03 08:00:00



備受世界關注嘅第19屆釜山電影節日喺釜山海雲台隆重舉行,300幾名嚟自韓國同海外嘅演藝紅星,包括男星鄭宇成、吳智昊、台灣男星阮經天、女星金喜愛、具惠善、嚴正花以及中國女星湯唯、劉詩詩等都有現身紅地氈,場面盛大。

紅地氈上,女星們賣大包晒腿騷胸,各自爭艷,不過就以同韓國導演金泰勇結婚冇耐嘅湯唯最為矚目,攜同新片《黃金時代》導演許鞍華現身嘅佢,首次以金太身分出席活動,雖然未有老公相伴,但就表示:「雖然一個人到場,但因為有好多人歡迎我,心情愉快。」一路上笑容滿面嘅湯唯不停同場觀眾揮手外,中途仲將錫過嘅熊貓公仔當成禮物拋向粉絲,贏得韓國國民歡心。

而人氣綜藝節目《爸爸!我們去哪兒》男星成東日就帶同大仔成俊現身,兩父子著住藍色父子裝搶鏡,而鄭宇成亦有十指緊扣三級話題電影《布拉芙夫人》拍檔李絮以全黑情侶裝行紅地氈,成為焦點。















鍾意就快D Share啦!