掃呢頁CODE去手機

2014年10月24日 星期五

[忽然1周 - 1004] 李丞責陪老婆濕平負責驗屍 李丞責,MW,




劉倩婷試鞋,做老公嘅李丞責就喺側邊傍實俾意見,等足半粒鐘都冇黑面,呢個老公認真唔話得。

媽咪姐

李丞責陪老婆濕平負責驗屍

玄學家李丞責上年娶到港姐冠軍劉倩婷,睇佢個樣比執到金仲開心。依家結咗婚年半,但丞丞師傅愛妻表現未有跌 walt,仲係好 sweet㗎!







媽咪姐前幾日撞到佢哋兩公婆喺圓方行街,劉倩婷繑實老公入咗間鞋舖,丞丞師傅唔只喺側邊傍實,仲做埋造型師。老婆試鞋,佢就喺隔籬手指指俾意見。等老婆揀啱心水,佢仲幫手驗貨,睇見佢由鞋底睇番上鞋面,又用指甲刮咗幾下,似乎見到有啲漬,最後仲搵店員搞搞佢。呢間舖啲鞋出名貴,老婆用附屬卡埋單,丞丞師傅 check真啲都啱嘅。

試啱心水埋單,劉倩婷即刻掹張信用卡出嚟,正確嚟講係老公送俾佢嘅附屬卡先啱!

呢間嚟自意大利嘅 Giuseppe Zanotti以造鞋聞名,劉倩婷呢對鞋要過萬。睇吓李丞責攞住對鞋 check得幾仔細!



鍾意就快D Share啦!