掃呢頁CODE去手機

2014年10月31日 星期五

[忽然1周 - 1005] 病後收鑽戒 官恩娜嫁得? 官恩娜,MW,




Ella於周三( 29日)出席新片《惡人谷》開鏡拜神。咦,佢隻戒指又唔見咗喎!睇嚟佢怕俾人圍住問,想低調行事。

媽咪姐

病後收鑽戒 官恩娜嫁得?

歌仔都有得唱:「共度患難見真情……」原來係真㗎!早前官恩娜 Ella無啦啦患上「貝爾氏麻痹症」,以致左邊面癱,令人心寒。不過,好彩佢個老外醫生男友 Juan一直喺身邊支持,到病發第 20日,面部肌肉突然回復活動能力,可以講嘢同唱歌喇。

呢日媽咪姐喺圓方撞到 Ella一個人行街街,病癒 9成嘅佢,睇落精神唔錯,先去書局買咗本旅遊書,跟住仲過隔籬買多個名牌旅行喼㖭!咁大病初癒,梗係要去旅行放鬆吓,咦!咪住咪住,仲有開心大發現,就係…… Ella左手無名指多咗隻超大粒嘅疑似求婚戒指,唔通……?問吓佢咪知囉!

「如果有好消息,我會同大家講嘅。不過戀愛的確係我生活一部分,不能缺少嘅。經過今次之後,我知道要珍惜身邊所有人,亦都好多謝 Liza姐(汪明荃)同何麗全先生託人俾咗啲中藥我,加埋睇西醫雙管齊下,先好得咁快咋!」嗯,唔認係預咗,但 Ella忽然轉話題,有啲古怪喎。查實結婚係開心事,唔使怕醜

10月閃到爆

買完喼找數時,媽咪姐眼前一亮,發覺 Ella左手無名指多咗隻戒指。 20日前,佢發病初期係冇㗎。

9月手空空

Ella先去書局買咗本有關阿根廷嘅旅遊書,之後再去買旅行喼。咦,阿根廷度蜜月?

35歲 Ella雖然比醫生男友 Juan大 3年,但 Juan錫到 Ella燶,成日見到佢哋拍拖行街街,好 sweet sweet㗎!



鍾意就快D Share啦!