網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月16日 星期四

[壹週刊 1284] 頂硬上 內地男友涉貪被捕  Mani母兼父職 M1,




內地男友賀丹青涉貪被捕, Mani唯有堅強地盡母親責任,獨力照顧女兒,日前帶囡囡 Honey去圓方行街。

探熱針

頂硬上 內地男友涉貪被捕  Mani母兼父職

身兼英皇北京副總裁和香港藝人及唱片部總監的霍汶希( Mani),一一年為已分手的內地富商男友賀丹青誕下女兒 Honey,做單親媽又要中、港兩邊飛, Mani依然定時安排聚會,讓父女見面。有指是江澤民派系的賀丹青今年初涉貪被捕,硬淨 Mani繼續扮無事,還母兼父職,放假陪囡囡家庭樂。

湊女一眼關七

未婚生女的霍汶希,一二年決定帶埋女兒 Honey由美國返港定居;雖然不時中、港兩邊飛,但只要有時間她都會親自湊女。日前, Mani跟孖生細妹 Noven和媽咪等一行九人,到圓方商場食飯家庭樂。

已經四歲,似足媽咪有雙大眼睛的 Honey長得比同齡小孩高,著住粉紅吊帶公主裙的她拖住媽咪傾偈,之後又自動走位,拉實同行親友,非常精靈。

Mani一眼關七,見囡囡身上的吊帶裙快要鬆脫,即手快快走到身邊幫她綁番好。一家人到日本餐廳開飯,食完也不過是六點半,在商場逛多一陣, Mani與親友道別後,與屋企人到停車場攞車走。

胞妹 Noven和 Mani媽媽十分愛錫 Honey,不時幫 Mani湊女。

Mani放了 Honey為她搽唇彩的照片上微博,任由女兒搽到出界,可見有多錫她。

母女相依為命, Mani視女兒為掌上明珠。

同吳雨嘈交

決定做單親媽咪,但為了讓 Honey不失父愛, Mani跟已分手的賀丹青依然保持見面聯絡,據了解,今年初知悉前度出事後, Mani如常工作,陪住謝霆鋒到法國睇騷做訪問,未有任何異樣。

「賀丹青喺廣州主力係做電力生意,另外仲有地產同建築公司,內地打貪,有傳佢屬於江(澤民)派,所以都被牽連。農曆年期間,佢因為涉嫌行賄被請咗去接受調查,跟住連廣州人大(代表)都冇做,而家都未知情況係點。 Mani一句都冇提過,身邊啲朋友亦唔敢問。」知情者說。

靠自己養女的 Mani,積極做嘢搵錢,見謝霆鋒煮食節目《十二道鋒味》收得,即時添食籌備第二輯。

「 Mani話第二輯要更加有睇頭,一定唔衰得,佢近排頻頻同吳雨開會,有時仲會嘈起上嚟嗌交, Mani一向都係緊張同好搏嘅,不過而家佢乜都為個女諗,所以大家都覺得佢其實好有壓力,只係佢唔講出口啫!」知情者說。

去年賀丹青(右圖)來港探 Mani母女,齊齊去食飯。

難得一家三口共聚,賀丹青對 Mani母女相當體貼。

Mani湊女不忘工作,不斷為容祖兒和阿 Sa拓展事業,二人亦好支持她做單親媽咪。

Mani早前放低女兒,陪霆鋒去外地睇騷。

《十二道鋒味》收得,現時計劃添食, Mani搏盡度橋。

未婚單親媽

世界唔同咗,女人想擁有自己下一代,唔一定要搵個男人結婚攞正牌,做未婚單親媽,自食其力一樣掂。

吳綺莉

99年懷孕,有指經手人成龍曾提議吳綺莉做人工流產,但為對方所拒,卓林出生後隨母姓,並與母親移居上海,近年才回流香港。

楊思琦

11年,楊思琦跟拍拖九年的李泳豪分手,並為前香港跳水隊隊員吳帥佗 B,可惜吳帥原來是空心老倌,楊思琦在美國誕下女兒楊卓穎後,即與 B女生父斬纜,已經冇再續約大台的她,經常返內地做騷,搵錢養女。

孫佳君

03年退出娛圈,並跟富商劉貴喬先後誕下兩名兒子。 09年爆出家暴,二人分手後,孫佳君重返幕前。



鍾意就快D Share啦!