當日出席完活動的許志安，即趕到排舞室探老婆班。
探熱針
跟得許安 陪 Sammi日操八小時
十二場的跨年演唱會已進入倒數階段， Sammi開始進入軍訓式排練，每日跑步、健身、排舞，最少八粒鐘。許志安做「跟得老公」陪操，「冇理由佢 fit，但我 fat㗎！」許志安大條道理。
朝早八點起跑
事隔五年再踏紅館， Sammi個唱八月初公開發售門票時，半個鐘內被黃牛黨擸清，票價更炒高五倍。
一加再加，十二場頂磅，已經開始加操的 Sammi，每朝八點準時起身跑步，再跟健身教練做負重練習，鍛鍊心肺機能，之後轉場到排舞室，跳足五粒鐘。
「 Sammi生活好有規律，一早起身同安仔去跑八公里，之後約教練做 gym， train完再去排舞。飲食方面亦好節制，餐單搵營養師設計，戒澱粉質，食菜同生果，安仔陪佢一齊，都冇啖好食。」 Sammi身邊人透露。
撇兄弟搵老婆
上星期， Sammi如常現身排舞室，著住運動服、貼身 leggings的她，明顯再瘦了一圈，身形更加火柴。到埗後，先進行熱身，已經操了一個上午的 Sammi，與超過廿名 dancers跳完一輪後， dancers休息，她卻對住鏡，獨自重複練習舞步，精力十足。
「今次個騷都係快歌為主，跳舞部分仲要多過以前，又加插咗好多高難度動作，所以 Sammi提早兩個月就開始彩排，仲叫助手拍片紀錄排舞情況，返屋企繼續練習。」身邊人說。
同一日，許志安同 Big Four出席完活動後，即撇低幾兄弟趕到排舞室搵老婆，逗留約二十分鐘，安仔走先。隔一陣， Sammi亦離開。
|
鍾意就快D Share啦！
|
|
|
