2014年10月25日 星期六

傳內地礦商收購ATV 超低價:2億搞掂! ATV,




【王征等錢使】傳內地礦商收購ATV 超低價:2億搞掂!

2014-10-25 11:40:00



(資料圖片)

亞視屢傳出賣盤,盛傳楊受成、林建岳及呂志和都有意收購,不過今日周刊報道,指原來亞視投資者王征早就同內地礦商達成協議,將主要投資者嘅股份出售,已簽下合約兼收下訂金,只要亞視續牌成功,新亞視「米飯班主」即上場。

亞視早前爆出拖欠員工9月份薪金,表示資金不足,搞到台前幕後人心惶惶。亞視為咗穩定軍心,貼出內部通告指9月份嘅薪金將連同利息,一次過出晒俾員工。9月份嘅糧的確出咗,不過10月份嘅糧,仲未知幾時有著落。

報道引述,上周五舉行亞洲先生選舉時,有員工想上前同王征理論,被保安阻攔,有傳王征當時仍處之泰然,原來王征早喺內地房產生意失利,傳出財困消息,透過中共高官及從事礦業嘅亞視股東黃炳均介紹下,搵到亞視賣家,將亞視用「超低價」2億港元賣咗俾一個內地從事礦業嘅商人。盛傳之前王征向楊受成開價17億,但楊受成只係開價5億,最後當然傾唔成。依家2億就搞掂,真係呢……

聽講王征搵到新亞視「米飯班主」後,今年9月出席亞洲會兩周年活動,主持劉錫明稱呼王征為亞視主要投資者,王征即時更正指佢係亞洲會榮譽會長,比「投資者」呢個名銜更長壽。

據報道表示,呢個亞視新「米飯班主」身家豐厚,甚至有指被盛氏家族更「有米」,其礦業公司喺香港已上市並設有辦公室,大部分時間,佢都留喺香港,不過新老闆嘅身份暫時未能公開。







鍾意就快D Share啦!
Related Posts Plugin for WordPress, Blogger...