掃呢頁CODE去手機

2014年10月6日 星期一

陳敏之新婚 老公回港撇妻 陳敏之,




馮仁昭四圍超:陳敏之新婚 老公回港撇妻 - 馮仁昭



其他影片:>>






索腿天后新婚返港 陳敏之創業做老闆娘

日前喺峇里結婚嘅陳敏之前晚返港,陪住佢出閘嘅係契姐伍詠薇,老公雷偉信就繼續玩低調,估計佢喺另一邊閘口離開。問敏之點解唔拖住老公手出嚟?佢話:「走咗!其實佢好低調,我都想保護番佢,佢又唔係呢行嘅人。我哋唔鍾意咁,呢樣佢個人問題,我都要迎合番佢。」只係新婚幾日未度蜜月就要趕返香港,敏之話因為過幾日要開工,暫時冇計劃造人,亦唔會喺香港補擺婚禮,但會同親戚朋友食飯。



■新婚嘅陳敏之同契姐伍詠薇一齊行去停車場,但老公雷偉信就唔見影。

月尾開舖創業

雖然做咗雷太,不過敏之冇諗過要做少奶奶等老公養,相反除咗做幕前之外,嚟緊仲會向商界發展,聽聞佢會喺北角開糖水舖,敏之澄清話:「唔係喎!我係開曲奇餅舖,月尾開張,我都有喺工場學過整曲奇,因為識整先知道用乜嘢材料好食,連個罐嘅設計都有畀意見,好想試吓創業搞小生意,呢個係我第一個生意。」敏之話今次係同圈外朋友合作,老公唔係股東。

撰文:馮仁昭



■陳敏之喺峇里結婚,但老公低調唔露面。

資料圖片



鍾意就快D Share啦!