陳勳奇女兒跳樓亡 溫碧霞哀未及阻止
藝人陳勳奇女兒陳杏妍，前晚在將軍澳寶林邨跳樓自殺，終年40歲。早在跳樓前幾日，陳杏妍好友溫碧霞在微信朋友圈中，發現她貼上一張跳樓相，並留下死亡預告「唔知下一個會唔會輪到我？」可惜以為對方開玩笑未有為意，未及阻止慘劇發生。有傳陳杏妍患有情緒病，而由成龍監製、父親執導的電影《緣來是遊戲》成為陳杏妍的遺作。
香港著名導演兼演員陳勳奇，其女兒陳杏妍（Colleen）以藝名陳開心入行，再以雨書一名在內地發展，表現不俗。前晚11時許，陳杏妍被發現於將軍澳寶林邨寶儉樓高處墮下死亡，終年40歲。昨日本報致電陳勳奇，惟對方接聽後即掛線。陳杏妍在墮樓前4小時曾在facebook貼上疑似陳寶蓮跳樓亡的照片，以及大廈的俯瞰圖，並在fb留言「討厭我的人、喜歡我的人，我準確跟你們永遠不見了。」
■陳勳奇雖然不喜歡女兒入行，但在行動上完全支持。
■溫碧霞（右）哀慟未有及早發現，並阻止陳杏妍輕生。
■馬國明與陳杏妍因為合作電影《緣來是遊戲》而傳過緋聞。
性格開朗笑容滿面
其實據陳杏妍好友溫碧霞透露，原來早在兩日前，陳杏妍已在微信朋友圈貼上一張跳樓相，並留言「唔知下一個會唔會輪到我？」而該留言已被刪除，溫碧霞昨日接受電話訪問時，帶點自責又哀痛表示：「兩、三日前佢喺微信朋友圈post咗一張跳樓相出來，然後留言『唔知下一個會唔會輪到我？』當時我以為佢講笑，冇放喺心上，因為佢平日都好開朗，真係冇諗過佢會跳樓自殺，如果早知道會係咁，我應該一睇到就打畀佢了解吓，𠵱家聽到真係好唔舒服！諗起嗰張相，真係覺得好得人驚！」溫碧霞表示與陳勳奇認識已經很多年，所以去年對方聯絡她接演《緣來是遊戲》時，一口便答應，她表示：「拍呢部戲嗰時，我先至有機會認識佢個女開心，不過我同佢對手戲唔多，但5月做宣傳時，成日都有機會見面。」她又表示因為陳杏妍經常笑容滿面，一時不為意事件嚴重性，而暫時不適合聯絡陳勳奇，希望他節哀順變。除了溫碧霞，馬國明亦有份拍攝《緣來是遊戲》，有指陳杏妍對馬國明有好感，昨日馬國明接受訪問時說：「係你哋通知我至知，好可惜，其他嘢唔想講。」
■陳杏妍最後出席國慶活動，曾與張智霖合照。
微博圖片
■曾經在陳杏妍香閨逗留而傳過緋聞的又南，對好友死訊感震驚。資料圖片
張智霖聞死訊驚訝
陳杏妍最後一次公開活動，是出席本月9日影視界慶祝國慶活動，當晚她還盛裝赴會找明星嘉賓合照，當晚她貼上與張智霖（Chilam）的合照放上微博，還留言：「張智霖真的是逆生長……Cool魔。」昨日記者致電Chilam，他驚訝表示：「吓！死咗？真係好震驚！我9號先見過佢，真係諗唔到，我同佢雖然冇私交，但有幾次喺公開活動見過佢，表面上佢都好開朗，一切好正常，真係唔明佢點解要自尋短見！」反而Chilam跟陳勳奇較熟，他說：「差唔多20年前我同靚靚（袁詠儀）拍嘅《邊城浪子》就係陳勳奇做導演，佢屋企發生咁大件事，希望佢可以節哀。」至於與陳杏妍拍過拖的杜德偉則透過經理人回應說：「好可惜，冇嘢回應。」
黃又南曾經與陳杏妍傳過緋聞，前晚驚爆陳跳樓自殺身亡，昨午記者致電聯絡了又南，他的反應是既震驚又突然，完全未能接受對方選擇以此方法結束生命，他說：「點解會咁，聽到好唔開心，其實我同佢唔算熟，但都算係朋友，同佢亦冇拍過拖，但已經好耐冇聯絡，佢咁後生要走上呢條路，真係唔明點解，希望佢可以安息，佢家人可節哀。」
而陳勳奇好友陳欣健，昨日被問到陳杏妍跳樓亡，他表示：「睇新聞知道，真係好突然，我上個月底先同佢一齊喺深圳出席高爾夫球活動，當時唔覺佢有異樣，以前因為同佢爸爸熟，睇住佢大，但近呢幾年大家已經好少見面啦，諗唔到會發生呢種事。」
據悉陳杏妍患有情緒病，一直醉心演藝事業，先後到英國及日本留學，今年5月在內地上映的《緣來是遊戲》成為她最後作品。
採訪：李森
■陳杏妍性格好動，一直恨入娛樂圈。
【三個粉絲去首爾】
追星實錄，即上韓劇讀：http://hk.apple.appledaily.com/kstar
|
鍾意就快D Share啦！
|
|
|