| 鍾嘉欣飾演躁狂症探員，惡鬥強勁對手佘詩曼的完美演出。 | next 1/1 pre |
 | |
| 鍾嘉欣在《飛虎II》的躁狂探員，除了有連場動作戲，還不時露出兇神惡煞表情。 | next 1/1 pre |
 | |
| 佘詩曼在《使徒行者》的演出較為全面，有笑有淚。 | next 1/1 pre |
 | |
| 馬德鐘（左）和羅仲謙（右）大讚鍾嘉欣的演出。 | next 1/1 pre |
無綫花旦鍾嘉欣備受力捧，但一直與視后寶座擦肩而過，2011年及2012年分別憑《點解阿Sir係阿Sir》及《護花危情》列入視后熱門，但最終落敗，去年她擔正劇集《巨輪》捲土重來，又被同劇的田蕊妮殺出贏得視后，始終未能開齋！屢敗屢戰的嘉欣未有灰心，最近先後有劇集《大藥坊》及今晚播出的無綫台慶劇《飛虎II》推出，兩劇角色極端，實行演技大爆發！
情緒大起大落
前晚嘉欣身穿藍色連身裙，聯同馬德鐘、羅仲謙、梁烈維、袁偉豪、苟芸慧及翟威廉等出席《飛虎II》在九龍灣舉行的首映，今次首映在戲院大銀幕播放，可見無綫對此劇相當重視，一眾演員手持飛虎隊用的槍射向螢幕作為首播儀式，氣勢十足。
嘉欣在《飛虎II》中放下清純形象，演曾做臥底、有躁狂症的刑事情報科（CIB）探員，情緒大起大落，不時露出兇神惡煞表情，凌厲眼神令人心寒，她更親身上陣挑戰多場動作場面。
嘉欣表示對劇集充滿期待，繼之前自封「鍾男欣」之後，前晚更以「癲雞」形容自己：「今次終於打破嘉欣BB嘅形象，真係幾癲雞，係我入行最激一次。演出嗰陣我個腦成日諗埋啲變態嘢，畀人誤會係咪性格變晒，嗰段時間我好躁，唔出聲，人哋嗌我又唔應，搞到啲同事會話：『嘉欣係咪寸咗呀？』拍咗排仲不時眼凸凸，似足劇中角色，抽離唔到，要隔幾個月先平復到心情。所以希望多啲人睇，睇觀眾接唔接受到我另一種形象。」
她表示曾拍動作場面時受傷，其中一場貨櫃場爆破戲，馬德鐘抱起嘉欣不慎跌倒，結果嘉欣墮地翻滾了幾個圈，要入院治理。問為何男友伍允龍前晚沒現身撐場？嘉欣只笑笑口說：「呢啲低調處理。」
釘姐氣勢強勁
嘉欣演出搏命，但要奪得視后，仍要過氣勢強勁的佘詩曼一關，早前阿佘已憑《使徒行者》「釘姐」一角在新加坡獲封視后，就連另外兩位視后熱門徐子珊及楊怡亦俯首稱臣。子珊直言睇好阿佘封后：「我同佢都唔同Level，佢係前前前前輩！」楊怡則表示冇打算爭獎。且看《飛虎II》播出後，嘉欣能否圓視后夢。
|
鍾意就快D Share啦！
|
|
|
