掃呢頁CODE去手機

2014年10月1日 星期三

祖兒撐學生 斥警放催淚彈:好悲哀! 祖兒,容祖兒,




【夜訪銅鑼灣佔據點】祖兒撐學生 斥警放催淚彈:好悲哀!

2014-10-01 17:29:00



(攝影:仇志德)

祖兒今日穿上一身灰色到澳門出席澳門特別行政區政府國慶體藝匯演,香港公民抗命行動全城響應,適逢今日又係國慶,問祖兒心情如何?佢話:「係矛盾嘅,同埋講真,我自己睇咁耐,要讚下班年輕人。有日我去咗銅鑼灣,夜晚,我去觀察,現場好安靜,好守秩序,有教養,冇失禮。垃圾擺得好好,又有人問要唔要水同紙巾。我去嗰陣感覺幾好。」

祖兒又謂希望事件可以盡快解決,並謂:「唔好講乜嘢(影響)經濟,可能平時,有個婆婆,坐開巴士,冇坐過其他,都一定好大影響,希望大家達成共識,回復正常生活。」

對於有指香港藝人龜縮,問祖兒又點睇?佢話:「唔可以話龜縮,有參與過嘅,唔一定大肆報道,支持有好多唔同形式,每人有不同崗位,總之盡做。每人表達方法唔同,總之有心就得。」

欣宜、小肥同張崇基兄弟都決定辭演明日紅館舉行嘅國慶文藝晚會,問祖兒可曾諗過今日唔做澳門呢個國慶騷?佢話:「冇。接咗呢個工作,就要專業咁完成。大家可覺會覺得,演唱會唔做好簡單,但公司要執好多手尾,我唔想因為我一個人影響太多人。自己個好清楚,個心在香港,支持香港。我知嘅,每人處理方式都唔同。」佢又話唔擔心因為接咗呢個騷而成批評目標:「成熟去處理事情嘅人會明白。如果刺激到大家神經,我抱歉,但工作要履行。」

至於日前警方為清場而放咗87個催淚彈,祖兒自言:「我好反對呢個行動,我見到都呆咗,有莫名好悲哀嘅感覺。放得勁過頭。係咪可以有另一種冷靜和平同充滿愛嘅方法溝通呢?大家都俾咗誠意出嚟。」祖兒又話唔會考慮好似黃耀明或歐錦棠咁樣站台發言:「我講嘢唔叻,我唔係做領袖好材料,落到去要字字鏗鏘,我都係用自己能力去做。」









Joey唔小心晒臀形,好sexy



率領師弟妹合唱



鍾意就快D Share啦!