掃呢頁CODE去手機

2014年10月2日 星期四

[FACE 384] 《 FACE》 UStar校草 Kyle升男一拍 Stephy Stephy,鄧麗欣,MF,




25歲 Kyle最近簽咗經理人公司,做顏卓靈師弟,即做男一,仲要同 30歲 Stephy演兩公婆,查實二人嘅外型真係有少少似姊弟,不過唔緊要啦,𠵱家興姊弟戀。

全知言

《 FACE》 UStar校草 Kyle升男一拍 Stephy

以前選港姐,係加入娛樂圈嘅一條捷徑。不過時代轉變,𠵱家參加《 FACE》 UStar仲實際。全知言唔係賣廣告,係講事實。

2011年嘅《 FACE》 UStar校草冠軍李任燊( Kyle),自當選後先入行, job接 job拍咗唔少大型廣告、電視及電影演出,好似主演港台青春劇《 DIY2K》咁。最近 Kyle仲被《音樂人生》導演張經緯睇中,孖住鄧麗欣( Stephy)開戲做男一!上周三( 24日)呢套由爾冬陞監製嘅新片《藍天白雲》開鏡,全知言梗有去捧場撐 Kyle,而 Kyle表現都好大體,睇嚟佢喺 UStar受訓期間都學咗唔少嘢。

當日 Kyle同全知言講,今次佢同 Stephy飾演兩公婆,所以佢會搵日開早嘅時候煮早餐俾佢食:「我會整腸仔煎蛋,同埋火腿通粉俾佢,呢一個完美嘅早餐,令佢有好美滿嘅一日!」唔好意思, Stephy食齋㗎, Kyle再度過啦唔該!

Stephy飾演將為人母女警,未拍已唔少心整傷條頸,好彩傷口唔大,應該好快好。

11年 Kyle選 UStar校草前,已經係理大男神, 100%素人。當年更以大熱勝出冠軍校草,之後就 job接 job冇停過。跳舞呢 part幫佢攞唔少分㗎!今年嘅 UStar可以參考吓喎!



鍾意就快D Share啦!