掃呢頁CODE去手機

2014年10月2日 星期四

[FACE 384] 愛回家 怕佔中阻返歸 金秀賢變臉催住走 佔中,金秀賢,政治時事,MF,




擔心樣

週日( 28日)出席 Samsonite活動的金秀賢,一坐低已經唔係好坐得穩,之後一直心不在焉,笑容欠奉。

真面目

愛回家 怕佔中阻返歸 金秀賢變臉催住走

上週六( 27曰)韓國兩大男神「都 Manager」金秀賢與 BIGBANG至靚仔成員 T.O.P(崔勝鉉)來港正面交鋒。 T.O.P瞓身谷新戲《千術之神》連跑幾間戲院四圍冧港女;金秀賢就分別出席代言的 Samsung手機及 Samsonite旅行袋活動,食兩家茶禮。

秀賢 Oppa於上週六( 27日)出席三星活動時,明明心情勁靚,笑住口電粉絲;但翌日啟動佔中後,秀賢 Oppa卻變得憂心忡忡,出席 Samsonite活動時唧都唔笑不特只,更做手勢示意翻譯盡快講。當晚中區及灣仔一帶交通癱瘓,秀賢 Oppa人在異地沒心情是趕返歸啊!絕對可以理解嘅。

28/9 Samsonite Red記者會  7分鐘快閃

週日( 28日)香港變天,中環至金鐘一帶被「佔中」市民佔領,警察唔只施放催淚彈驅散群眾,更實施封路,不少巴士停駛,私家車亦要改道,當晚金秀賢與廣告拍檔 Angelababy,孖住一齊出席 Samsonite香港記者會及粉絲見面會,但一早訂咗即晚凌晨機飛返韓國的都教授,可能受「佔中」影響心情,亦擔心交通受阻,怕趕不及上飛機返韓國,出席活動時全程冇心機,笑容欠奉。與女神 Angelababy唔只冇偈傾,連眼神接觸都慳番。

由於見完記者,金秀賢還要出席大會安排的粉絲見面會,歸心似箭的都教授亦開始焦急,當司儀問都教授何時開金口出唱片時,都教授就嫌身邊的翻譯譯得不夠快,做出打圈手勢催促對方盡快講。最後都教授訪問連影相只逗留 7分鐘便過隔籬會場同 fans見面,但亦只逗留 10分鐘便離開。

雖然中區主要道路被封鎖,但今次下榻灣仔君悅酒店的都教授,最後亦平安到達赤鱲角機場,搭凌晨機飛返韓國,教授即刻放下心頭大石,輕鬆跟 fans拜拜。

活動後出席大會安排的粉絲見面會,粉絲好明顯只想同金秀賢合照,搞到 Baby好似路人甲。

《蘋果日報》圖片

雖然同廣告拍檔 Angelababy孖住出記招,但當日金秀賢唔多理 Baby,唔單只冇偈傾,連眼神接觸都冇, fans應該好開心。

記招中金秀賢被問幾時出碟時,表現得有點唔耐煩,用右手打圈,示意翻譯譯快啲,之後便答:「現時只專注做戲。」可能感冒未好,又怕佔中阻返歸囉,秀賢歸心似箭。

逃離灣仔後,金秀賢當晚趕往機場搭凌晨機返韓國。走得甩嘅金秀賢心機靚番晒,仲微笑向送機 fans揮手道別。

網上圖片

最近有內地公關於微博大爆話金秀賢做嘢要求多多,非常大牌。查實金秀賢貴為亞洲巨星,經理人公司當然多多要求。

週日零晨啟動「佔中」後,日間佔中範圍擴大,金鐘一帶因太多佔中人士聚集,警方要施放催淚彈驅散人群,而金秀賢出席的 Samsonite活動因在灣仔舉行,金秀賢擔心因封路趕唔切搭飛機返韓國亦可以理解。

27/9 Samsung「 Do You Note金秀賢見面會」黃金 12分鐘

不過,早一日即上週六( 27日),未發生「佔中」,都教授面口同態度完全唔同。雖然他當日有幾聲咳,身體有少少抱恙,但心情極靚,出席旺角舉行的 Samsung手機活動時,全程笑晒口,更不時施展迷暈電眼,電暈全場女粉絲。最冧當然係萬人迷賣口乖冧 fans:「我的生活離唔開手機同電子產品,因為我要時刻睇粉絲留言。」最後都教授留足 12分鐘,呢個「黃金 12分鐘」,全程「四萬」。

開心樣

上週六( 27日),金秀賢出席 Samsung活動時,全程四萬咁口,明顯心情勁靚。

來港前,上週五( 26日)金秀賢曾去深圳為出席騰訊活動,當日金秀賢心情唔錯,仲用普通話話:「謝謝大家的支持!」

當日金秀賢抽出幾位粉絲上台領獎並合照,粉絲上到去當然要繑實男神唔放手。

T.O.P擔擔抬抬

BIGBANG至靚仔 rapper T.O.P的新片《千術之神》將於今週四( 2日)香港上畫,上週 T.O.P更專程由意大利飛來香港進行一連兩日的宣傳,期間走訪 3間戲院同粉絲會面,非常親民。

唔好睇 T.O.P平時成日一副 cool樣扮 model,查實 T.O.P不知幾玩得。週日( 28日)於九龍灣出席記者會時,唔只口花花話如果《千術之神》票房好就會搵個香港女友,仲化身工作人員幫手搬枱。最 suprirse係 T.O.P自發擺騎呢甫士引記者笑,實在估佢唔到。

記招尾聲, T.O.P仲劉華上身,擺起手貼下巴 chok甫士,仲擘開大腿站台。查實 T.O.P一向玩得,今次做番自己啫。

記招尾聲,司儀請工作人員搬走張枱等記者影 T.O.P全身相, T.O.P即二話不說同工作人員一齊搬枱,一啲架子都冇。

週六( 27日)晚, T.O.P去完戲院與出席粉絲見面會後,便到圓方醫肚,仲忍唔住食番支煙提神。不過室內食煙被人捉到要罰錢,下次唔好喇。

《蘋果日報》圖片



鍾意就快D Share啦!