崔碧珈吹甩膠紙 倒瀉G奶
「G奶謝安琪」崔碧珈前晚到酒吧出席萬聖節活動，以「中門大開」打扮鬼死咁性感，玩遊戲時來一招俯身吹蠟燭，拋出G奶「終極胸器」，令現場男士尖叫。
投入玩遊戲的崔碧珈俯身一吹，令全場男士鬼殺咁嘈！
崔碧珈以中門大開打扮出席活動，鬼火都冇佢咁正。
側身一看崔碧珈的胸前膠紙外露，下次黐隻靚啲先得。
崔碧珈與「鬼眼爸爸」等妖怪開派對，即場隊啤勁High！
猛男慘遭夏蕙BB喪摸兼打Pat，陰功豬囉！
擁有「G奶謝安琪」之稱的新進女星崔碧珈（Anita），前晚與黃夏蕙以萬聖節打扮到太子出席《藍妹啤酒x海洋公園「奪命金晚哈囉喂」嘩鬼派對》。率先出場的夏蕙BB與兩名半裸猛男大跳辣身舞，期間她更手多多摸猛男，由背脊一直掃到屁股，最後更打屁股，充滿SM味道！期間，現場有酒客高呼夏蕙BB除衫，氣氛熱鬧。
呻條裙唔啱身
緊隨出場的崔碧珈則「中門大開」性感騷半球，玩遊戲時俯身拋胸吹蠟燭，吸引不少龍友狂影及酒客尖叫。雖然做足防走光措施黐足膠紙，但從側身一看明顯膠紙外露，對此她說：「條裙唔係咁啱身，係有啲鬆，同埋啲膠紙唔係好夠力，都係小心啲好，走光就唔好意思喇！（有冇飲醉過酒？）自己只係飲醉過一次，就係第一次喺屋企飲啤酒，嗰時以為冇醉，點知媽咪話我醉咗仲嘔到一床都係。（萬聖節活動有冇遇過「鹹濕鬼」﹖）咁又冇！喺英國去過萬聖節Party，全部都係大學同學，如果有都實知係邊個，同埋都唔會着到咁性感。」
至於夏蕙BB表示會在萬聖節提早慶祝83歲生日，打算到蘭桂坊出巡。被問到與猛男跳辣舞及打屁股是否一早排練？她說：「冇！開心即興啫！年輕人係要畀老人家教訓吓，跳完年輕咗廿年，但佢哋做我個孫就差唔多！」
投入玩遊戲的崔碧珈俯身一吹，令全場男士鬼殺咁嘈！
崔碧珈以中門大開打扮出席活動，鬼火都冇佢咁正。
側身一看崔碧珈的胸前膠紙外露，下次黐隻靚啲先得。
崔碧珈與「鬼眼爸爸」等妖怪開派對，即場隊啤勁High！
猛男慘遭夏蕙BB喪摸兼打Pat，陰功豬囉！
|
鍾意就快D Share啦！
|
|
|
