[忽然1周 - 1007] 恨嫁的心廣告雜誌 為女星尋找有緣人！！ MW,

靚抽王

恨嫁的心廣告雜誌　為女星尋找有緣人！！

近日 35歲嘅女神官恩娜終於宣布要同男友拉埋天窗！雖然之前佢患上臉癱怪病，但係醫生男友依然不離不棄。我哋作為花生友梗係為佢高興但係一眾高齡女星就冇咁 happy，相信佢哋心裏面都喺度諗：幾時輪到我？為咗佢哋嘅幸福，我哋特意編寫以下名冊俾有意嘅男士參考，等佢哋早日可以搵到有緣人，唔使葡萄人哋嘛！

女神系

嫁出難度：極難

（女神呢啲，通常都係只可遠觀，不宜褻玩㗎）

舒淇年齡： 38歲

一代女神，演技出色，愈老愈有女人味。

你靚仔同出色過馮德倫嘅話，我哋無條件幫你問舒淇攞電話。

周秀娜年齡： 29歲

身材好，搵銀力高強，鍾意食雪糕。

曾經喺《美女廚房》表現差勁廚藝，兼且身形同樣貌都有再造之可能。

歌手系

嫁出難度：難

（做偶像歌手同做人老婆有衝突）

容祖兒年齡： 34歲

歌唱力 1000。

靚仔同出色過劉浩龍唔難，但去邊度搵番個天后俾楊生先？

鍾欣潼年齡： 33歲

天真。

都係天真。

大台催化系

嫁出難度：極難

（歲月催人老，喺大台拍劇捱老幾多藝人你知唔知？嗚！）

楊怡年齡： 35歲

可以車中食雲吞麵，勁！

臉部有自動調節機制，鼻子可以隨意升高。

周麗淇年齡： 35歲

多次衝擊豪門失敗，好有可能棄豪門而嫁窮鬼，成為窮人恩物。

身懷「神級 iPad」，被高登巴打評之為「身材平平，無處可 X」。

奇人系

嫁出難度：極難

（奇人，亦即《進擊的巨人》入面唔正常嘅巨人。已經係巨人，仲要唔正常，仲唔夠難?）

小儀年齡： 44歲

廚藝了得，由於成日俾森美恥笑都能夠忍耐，被視為擁有良好嘅中國婦女堅忍不屈性情。

只適合唔夠高又唔想伴侶高過自己嘅男士。

細細粒（小寶）

年齡： 29歲

高登新女神，被巴打們評為「肥妹之中算係天香國色」，有喜劇天份，而且近日減肥成功，有機會一減再減。

減肥後可能不再可愛。

外國系

嫁出難度：唔太難

（你信唔信林志玲同蒼井空冇人要？不管你信不信，反正我不信，佢哋只係吊高咗少少嚟賣啫，近日都有傳志玲姐姐會結婚）

林志玲

毒男長期性幻想對象+台式嗲聲嗲氣。

似乎都傾向同有錢佬結婚，冇錢免問。

蒼井空

年齡： 31歲

著名童顏巨乳日本 AV女優，仲要退埋休。

樣貌似胡冏，且近年轉戰強國，沾上強國味，吸引力減分。

鍾意就快D Share啦！

下一篇 》