秋官 24歲女鄭詠恩
鄭詠恩今年 24歲，身形甚弗，而且樣子不俗，似足徐子珊。 2011年底，她曾陪實秋官睇欣宜音樂會。《蘋果日報》圖片
打頭陣
港星女兒台灣涉被迷姦 秋官梁家輝三哥頭痕
近日台灣驚爆有一港星女兒三年前赴當地旅行期間，涉遭落藥，被帶到旅館迷姦，疑犯更拍下整個性交過程，事件震驚兩岸三地娛樂圈。
最終，判決女事主敗訴，但由於台灣有媒體洩露女事主父親的身份特徵，令不少有女初長成的港星提心吊膽。據報道指，這名爸爸港星高大有型、出道 30年依然人氣高企，儲落不少師奶粉絲。而鄭少秋、梁家輝、苗僑偉、黃日華及關禮傑等爸爸港星，紛紛擔心遭人追訪，非常頭痕。
這宗迷姦偷拍案發生於 2011年，當時港星女與友人到台灣旅行。案發當晚港星女與友人於卡拉 OK飲酒消遣，搭𨋢離開時巧遇時裝店老闆，即今年 24歲的被告。案情指，被告見這位港星女身材火辣兼衣着性感，於是以送衫為名，帶她到時裝店參觀，並趁機落藥，之後就載她到附近的汽車旅館迷姦。
下體驗出分泌物
港星女作供時指被告先後在𨋢內及時裝店兩度落迷藥，令她全身乏力，整個人迷迷糊糊。直至到達汽車旅館前台，港星女曾向旅館職員發出「救我」口形求救，可惜最終都被對方迷姦。港星女清醒時，就發現被告全身赤裸向她性侵，她還發現電視下面不停閃紅燈，才驚覺自己被偷拍。由於事後港星女下體驗出有被告的分泌物，於是檢控官決定起訴被告強制性交罪，判監禁 8年半。
被告上訴得直
不過被告強調雙方性交屬你情我願，兼整個過程有講有笑，決定上訴到底。日前案件再開審，被告重申自己當日由於服食 fing頭丸引致不舉，根本無法正常性交，只用手指代替陽具。加上法官根據驗毒報告，發現港星女當晚吸食的，是提神類毒品「氟化安非他命」，而且港星女案發時還向朋友 send短訊，種種跡象顯示，港星女根本冇遭迷暈，而且旅館員工又解釋電視的紅燈屬感應器，於是推翻當日判決，還被告清白。
案件處理了足足三年，近日才成為熱話，全因被告上訴時提出新口供，指港星女完事後向他高呼：「我爸是大明星！」引起中港台傳媒一窩蜂搜刮女事主及其父親的真實身份。本刊收到消息，這位女事主的父親知名度高，兩岸三地無人不識，出道 30年，在娛圈有一定江湖地位。由於他高大有型，故深得不少師奶傾慕。
港星女被禁足
據知港星女出事後，馬上越洋打電話向父母求救。父母得悉後，便立即撲過去台灣，陪她入醫院檢查及搵律師研究案情。知情人士說：「雖然發生呢件事大家都唔想，但佢爹哋真係嬲到震，喺台灣酒店責怪個女亂嚟，氣氛都好僵。佢媽咪喺身邊點樣調停都冇用。」
其實這位港星女讀小學時性格非常乖巧單純，父母亦引以為傲，唔介意帶她一齊出席活動。及後升上中學，港星女作風 180度轉變，除鍾意性感打扮，喜愛夜蒲外，更經常出言頂撞父親，令父親十分痛心。知情人士說：「佢讀國際學校，群埋班鬼仔鬼妹，食煙飲酒。佢老竇成日勸佢唔好黐呢班損友，但佢唔肯聽，仲反指老竇思想保守。今次出咗事，佢老竇勒令唔俾個女再出夜街，禁足大半年。」
擔心被指教女無方
女兒遭禁足，而且事件在台灣發生，這位港星以為事件隨住時間淡化，奈何紙包不住火。「佢好頭痕呀！因為呢單嘢通天後，佢怕影響個女形象，而且佢擔心俾人話教女無方，依家都唔知點算。惟有匿喺屋企暫時避鋒頭，寄望台灣法律真係可以保護當事人，唔好將佢兩父女個名曝光」
事件愈搞愈大，不少屬爸爸級、愛女正值青春少艾時期的港星，紛紛擔心自己同個女會捲入風波，成為嫌疑人物，遭人追訪。周三（ 12日），記者聯絡到苗僑偉（三哥），其愛女苗彤今年只得 23歲，兼且長得亭亭玉立，性格鬼妹仔，試過在 facebook大晒與男友的啜爆相。
三哥：叫佢小心啲
對於今次事件，三哥反應甚大，他說：「哎！呢啲嘢唔好問我，我都唔知係邊個！我個女兩年前都冇去過台灣。哎！呢啲嘢邊擔心得咁多，咪叫佢自己小心啲囉！」
而愛女關楓馨今年經已 19歲的關禮傑，就表明立場，指女兒從未試過單獨去旅行。他說：「我印象中佢冇試過自己同啲朋友去旅行，佢喺英國讀書，喺嗰邊去街都會 we chat俾媽咪。其實最緊要有好好嘅家庭教育囉！」至於秋官、梁家輝及黃日華，則截稿前仍未回覆。
台灣哄動迷姦案有前科
近日男港星女兒遭迷姦案哄動中港台。其實，兩年前台灣的「富少淫魔」李宗瑞迷姦女子亦曾掀起熱話，震驚兩岸三地娛樂圈。
吳亞馨淫片流出
12年 8月，李宗瑞涉嫌迷姦女子並偷拍性愛片段被捕，他逃亡 23天後，終在律師陪同下主動投案。法官指李宗瑞遭檢察官起訴時認定共 34名女子遭性侵，其中三十人遭迷姦，受害人包括女星吳亞馨（圖）及𡃁模。
拒認罪加重判刑
李至今仍否認性侵，堅稱所有被害人都是自願與他性交，僅承認偷拍性愛影片。法官指李毫無悔意，合併判處李宗瑞監禁 79年 7個月，但依法執行上限是 30年，並賠償 17名女子共 2,745萬新台幣(約港幣 695萬)罰款，創下台灣司法史上判刑最多紀錄。
女星教防狼
港星女涉遭迷姦案轟動娛樂圈，雖然最後法官判港星女敗訴，不少媽媽級藝人以及經常出埠的女星，亦希望藉此案件教識兒女要保護自己。
吳綺莉︰家長指引重要
「我會喺未出事前防止，一向覺得學校、同輩係好緊要，囡囡嘅朋友我都識，佢讀男女校，男同學我都要識。除咗學校旅行外，我唔俾佢自己去旅行，就算佢去玩嘅地方都係我熟識嘅朋友屋企。家庭教育好緊要，呢啲真係要『家長指引』，唔係一時三刻教，係長遠嘅事。」
周秀娜︰唔會飲醉
「我本身都係慢熱嘅人，之前去峇里旅行，個滑水教練車我返酒店時，我都有請佢喺大堂飲嘢。沿途中我都有留意車程係咪向酒店方向。總之好小心，離開咗個位就唔會再飲原先杯嘢，亦唔會進一步俾暗示佢。我酒量淺，只會喺熟朋友陪同下才飲醉，一醉就會叫人扶我離開。」
網友插多過撐
港星女兒遭迷姦案哄動全城，除惹來網友踴躍估誰是真身外，各網友亦持不同意見，有些戥受害人陰功，有些則認為是女事主自作孽。
|
鍾意就快D Share啦！
|
|
|
