呢個,真係薛芷倫?
曾經係大生銀行主席馬清偉老婆嘅薛芷倫(Fanny),本來已是小康之家出身,嫁入豪門後,更係ball場數一數二嘅貴族名媛,個樣有個性得來,著衫又有taste,甚有星味,亦出演過數齣電影。
一度係名人版台柱嘅薛芷倫,呢張係2007年全盛時期影嘅。
早幾年薛芷倫患乳癌,2011年除夕派對再戰Ball場,但係芳容已經同以前有所不同。
2013年嘅薛芷倫
前幾日佢出席活動,見到佢再度「變臉」,下巴尖到似倒三角。唔知點解,我諗起……邵音音。
Fanny都知唔少人思疑佢整容,就解釋係因為化療令佢走晒樣,下巴下垂嘴又腫,而且身體情況根本唔許可做整容手術。佢仲話自己患上罕有嘅Steven Johnson Syndrome(史蒂芬強森症候群),令身體多處潰爛,痛過生仔咁話。