10/11 運動 keep fit
周一（ 10日）胡杏兒出席活動後，去了上環的運動舖試衫。據知杏兒積極 keep fit，咁又係，保住最佳狀態至多人挖。
娛樂喧
大台開戲誘續約 胡杏兒寧跟杜琪峯
胡杏兒明年才約滿大台，但花旦買少見少，故大台亦一改半年前才傾續約的慣例，近日密密游說胡杏兒傾續約。
為了挽留杏兒，樂易玲大打人情牌，軟硬兼施。上周二（ 4日）深夜，樂易玲趁胡杏兒 35歲生日前夕，與她提早慶生兼傾續約。席間樂易玲開出盤口，承諾讓杏兒北上拍劇，又話大台會為她度身訂造劇本開電影，捧她做電影女一。不過，近日杜琪峯做老闆的「銀河海潤」亦出手爭胡杏兒。對一心北上發展的杏兒來說，「銀河海潤」睇高一線。
近年胡杏兒拍了不少內地劇，雖然劇集收視一般，不過她在內地人氣急升，內地劇酬已升至廿多萬人仔一集，是她在大台的 8倍。故她每次拍畢一套電視劇，回港便會買樓揸手，在圈中早有「樓盤小天后」的稱號。
胡杏兒在內地有價有市，加上近年她眼見離開大台後的藝人發展都唔錯，所以下年年尾約滿的她，早有離心。大台都知道胡杏兒想北上賺錢，早幾個月已經出動樂小姐同杏兒傾約，更開出一千萬續約三年。不過胡杏兒向外稱有多間公司向自己招手，擺明皇帝女唔憂嫁。
上周二（ 4日），樂易玲出席胡定欣、胡蓓蔚、黃智雯等「胡說八道會」成員，為胡杏兒搞的生日飯局。原來樂易玲想借一班胡杏兒的閨蜜落嘴頭。「樂小姐以往都冇同杏兒慶祝生日，不過，依家要搵機會同佢傾續約，又唔想咁 formal，惟有借班女仔約佢，佢仲預先叫胡定欣同黃智雯幫口，勸杏兒留低。」知情者說。
大台唔肯齋簽部頭
據悉，胡杏兒最初的打算，是一面出外搵真銀，一面與大台改簽部頭約，為大台一年拍一劇，像蔡少芬、歐陽震華等有分量的藝人均用此形式與大台合作，保住香港的知名度。不過，近日大台的政策有變，要求藝人一定要簽埋經理人合約，變相令胡杏兒往外闖的決心更大。
樂易玲深知改政策加強了續約難度，於是退一步話可以多些讓胡杏兒北上拍劇，又話大台會為她度劇本開電影，令她升呢做電影女一。
「杏兒見阿佘離巢返內地拍劇同出騷都好好搵。佢都話過自己年紀唔細，再唔走就冇機會，去意都幾堅決。樂小姐都知杜琪峯想截糊簽胡杏兒，咁大台近幾年不時同邵氏或其他電影公司合作拍電影，於是樂易玲拍心口，話可以為胡杏兒度身訂造劇本開拍電影。不過胡杏兒之前同杜琪峯拍戲好合拍，加上杜琪峯間『海潤』除咗拍電影，又年產多套內地電視劇，啱晒想搵人仔嘅杏兒。」
除了胡杏兒外，近日有消息指快將約滿的吳卓羲亦一心外闖。上周他出席大台節目巡禮時，身在現場的他，居然唔影大合照，似乎空穴來風，未必無因。大台數得出的一線小生及花旦買少見少，真是難為了觀眾！
留星乏力
大台的花旦買少見少已非新鮮事，離巢的花旦發展不俗，收入均有大躍進，足見她們的選擇正確。
|
鍾意就快D Share啦！
|
|
|
