網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月6日 星期四

[壹週刊 - 1287] 王祖藍千三萬愛巢入伙 李亞男冇名 祖藍,李亞男,王祖藍,M1,




慳啲啦

落機後,祖藍去藍田接李亞男,她特別為祖藍新車送上「 HANDELA」(音:慳啲啦)車牌,唔知係咪暗寸愛巢冇落自己名。

探熱針

王祖藍千三萬愛巢入伙 李亞男冇名

王祖藍扮嘢扮到有價有市,內地騷價三十五萬人仔起跳,搵到盆滿鉢滿,早前便以一千三百多萬購入二千多呎大埔雅景花園,並豪花二百萬裝修八個多月,預備明年二月迎娶拍拖五年的女友李亞男。愛巢快將完工,但豪宅以王祖藍個人名義買入,未來王太居然無名。








換八十萬潮車

上週四(十月三十日),王祖藍在內地拍完《奔跑吧,兄弟》返港,一出機場就搵「老婆」,原來約了車行職員,交收他新買入、價值八十萬的 Model S環保電動潮車。車上套上諧音:慳啲啦的「 HANDELA」車牌,據知車牌由女友李亞男所送,認真抵死。當日王祖藍揸住「新歡」去大圍睇跌打,之後再去藍田會合女友,孖住出席活動。落機之後無停過,收工後王祖藍和亞男再駕車到大埔視察剛裝修完成的千萬新屋。

環保電車

上週四(十月三十日),王祖藍由內地返港,車行職員特別去機場速遞八十萬 Model S電動潮車,並教他怎樣充電。

在停車場充電時,祖藍用八達通付款。

李亞男對靠一部十七吋平板電腦控制全車開關的電動車好有興趣,親試充電,當日架車充電充到好飽。

王祖藍和李亞男出席宣傳活動後,各自揸車去大埔新居(中間排屋),前後腳到達,祖藍以個人名義以一千三百多萬購入新居。

財政獨立

王祖藍財多身子弱,由大陸返港即去大圍睇跌打。

雖然形容李亞男是無價寶,但打算明年二月正式娶女友過門的王祖藍,兩個拍拖五年,原來一直財政獨立。

「舊年祖藍買入一千三百萬大埔獨立屋,亞男冇要求加名,反而近期用咗五千蚊投『 HANDELA』車牌俾男友,因為祖藍扮 Handelababy,經常叫人『慳啲啦』,所以投個牌返嚟氹男友開心,佢哋兩個結婚有晒共識。之前兩個拍拖去新西蘭拍《蜜月到訪》,祖藍拒絕喺熒幕前求婚,佢話太庸俗喇!佢哋已經計劃緊明年二月舉行婚禮,但祖藍嘅工作排到明年中,到時要香港、加拿大兩邊擺酒,而家最擔心反而係檔期問題。」知情者說。

婚後同奶奶住

雖然未正式嫁入王家,但亞男已經處處為未來奶奶着想。

「新屋二月裝修至今差不多完工,今個月尾就可以入伙,但亞男堅持唔同居,婚後會同奶奶、祖藍細妹一齊住。亞男對愛巢嘅要求好簡單,佢同祖藍媽媽都鍾意下廚,加上祖藍妹妹鍾意請朋友返屋企玩,所以佢只係要求有大廚房同大焗爐,方便請客。」知情人說。

二人現已在教會進行婚前輔導,祖藍早前曾說:「婚前輔導係幫助分析大家嘅核心價值,做完輔導後,亞男多咗表達自己,我就發覺自己因為佢而平心靜氣咗,冇咁容易發脾氣。結婚係俾女仔尊重同肯定,亦係對方一生人最大嘅『騷』,到時我想撥出一段時間陪亞男籌備。事業幾好都有可能失去,但我深信,如果有一日我要住劏房,佢都會同我一齊。」

王祖藍和李亞男拍住拖宣傳新劇《老表,你好 hea!》,對於會否再拍《老表》系列,祖藍說:「不會,見好就收,同埋我計錯數,套劇在網上的點擊率很高,證明年輕人很鍾意,亦證明家庭主婦好少留意時事。」

王祖藍在內地非常吃得開,拍《奔跑吧兄弟》每集三十五萬人仔。

李亞男所送的 HANDELA車牌,除了暗寸祖藍,同時指祖藍 Handelababy的經典角色。

祖藍和大隻佬麵家老闆賴義芳於荃灣開雲吞麵店,早前他帶媽媽(左三)去睇鋪位。

我老婆係住客

雖然婚姻是一生一世的承諾,但講到磚頭業權,就算係兩公婆都係均真啲好。

陳豪 陳茵媺

愛買磚頭保值的陳豪,過往會跟家人聯名買物業投資,但跟老婆陳茵媺只講心、唔講金,去年他以個人公司名義買入 3,300萬大埔比華利山 4,000呎別墅,陳太陳茵媺並無業權。

杜汶澤 田蕊妮

去年杜汶澤以 1,400萬購入大埔康樂園獨立屋,並冇落老婆名,田蕊妮事後指從來唔用老公錢,果然各顧各。

夠吉士

近年大台劇集劣評如潮,唯獨《老表,你好 hea》先後爆出張繼聰震胸猜拳,以及蔣志光驚人演繹《愛是永恒》,多得《老表》外聘編劇再加王祖藍落場做創作,才獲網民激 like。

撐亞視

其中一集,萬綺雯出場時播出《我和殭屍有個約會 2》主題曲,播對台歌,打破無綫向來唔益人市儈作風。

寸自己友

由阮兆祥主唱的《老表》主題曲歌詞極具「政治色彩」,其中幾句「人民齊來越軌,抵擋這個壓抑的機制……不須搶帝位……至強毋須跟派系」,有揶揄 CCTVB內部鬥爭之嫌,填詞人居然係「自己友」王祖藍。

先知

劇中有唔少大媽大叔貪政黨派米,為攞着數盲撐場面,在第十一集,黃光亮為幫江湖大佬辯護,竟然話開山刀係用嚟開榴槤,中晒近日帶刀反佔旺的榴槤乜乜乜先生事件。

食麵

TVB劇經典對白「肚餓煮個麵你食!」、「一家人最緊要齊齊整整」等,在《老表 2》由鍾景輝重新以神級演繹,製造唔少笑位。之後張繼聰亦照抄膠劇《叛逃》中,關禮傑與陳展鵬示範反地心吸力,跳過兩幢距離極遠的大廈的「跳遠世界紀錄」,他在《老表》中,由尖咀海旁跳去灣仔金紫荊廣場,笑咗!



鍾意就快D Share啦!