掃呢頁CODE去手機

2014年11月23日 星期日

亞姐: 多倫多索爆19號大熱倒灶 韓非兒失獎黑面想喊 亞姐,亞洲小姐,




【亞姐終於選完喇!】多倫多索爆19號大熱倒灶 韓非兒失獎黑面想喊

2014-11-22 22:59:00



(攝影:陳俊強)

由8點半玩到11點,終於,今屆亞洲小姐三甲終於出爐喇!一直係大熱門嘅19號、來自多倫多嘅唐淑薇竟然大熱倒灶,只得亞軍,輸俾8號、今年23歲、來自上海嘅張軼珺,張軼珺仲拎埋冇咩殺傷力嘅最完美肌膚大獎。

頒完獎影大合照時,9號來自遼寧、大中華總決賽季軍得主韓非兒唔止黑晒面,仲好似想喊咁,噢no!

季軍由14號來自上海嘅陳洋鈴奪得,芳齡25,佢仲係大中華總決賽亞軍兼最完美體態大獎得主。但頒獎時依然蝦碌,戴錯綵帶,搞到反轉再反轉,仲連戴后冠都甩手。戴咗之後仲係歪歪地,戴得頗求其。

至於今年26歲嘅亞軍唐淑薇,曾奪加拿大多倫多賽區亞軍,更連摘最上鏡小姐、亞洲女性魅力大獎及友誼小姐,合共四料。可惜都係大熱倒灶。









鍾意就快D Share啦!