【短片】【凌晨爆大鑊】48歲夏文汐 進擊的囡囡曝光
2014-11-01 23:30:00
噚日萬聖節唔少藝人都扮到古靈精怪出動夜蒲，近年復出娛樂圈搬往上海居住、現年48歲嘅夏文汐今日早上喺微博貼上年約22歲二女（Demi）及約20歲三女（Cassy）嘅扮嘢相娛賓。Demi以一身印弟安少女造形出席派對，而妹妹戴上假髮加上特技化妝，扮演早前大熱日本漫畫《進擊的巨人》中嘅巨人。夏文汐兩位女兒極有母親當紅時嘅星味。特別係二女Demi更同媽媽成個餅印，相片一貼上網站，即引來唔少網民大讚而且追問，相信假如Demi在娛樂圈發展，必定大有作為。
其實囡囡喺夏文汐嘅微博中較少出現，但每次都引來大批留言。像去年三母女作為美國NBA湖人隊嘅fans，同友人去現場欣賞湖人隊對帝王隊嘅大賽，夏文汐才首次貼出兩名女兒嘅相。二女兒Demi同母親嘅合照引來網民都大讚二女完全繼承咗母親嘅氣質。問到夏文汐在港嘅經理人梁李少霞，查問夏文汐囡囡會唔會考慮入行，不過在截稿前都未有回應。
當年夏文汐喺《唐朝豪放女》同《烈火青春》嘅大膽演出，至今仍為人津津樂道，自下嫁台灣商人黃冠博後移居美國定居，退出娛樂圈，並誕下三名女兒。02年客串過張艾嘉導演嘅電影《想飛》，09年宣佈復出並帶同細女移居上海居住。
夏文汐10年接拍潘源良執導嘅電影《出軌的女人》，風采不減當年。據知，夏文汐長女為專業人士，喺馬來西亞完成大學後，返回美國工作。
索爆星二代駕到!
台灣商人黃冠博後移居美國定居。
|
鍾意就快D Share啦！
|
|
|
