【值咁多咋!】吳日言被邀拍露點三級戲 片商開價50萬
2014-11-18 11:05:00
(資料圖片)
現年31歲嘅吳日言入行娛圈10年發展平平，唔係早前被本報影到佢著三點式，令人胸前一亮，大家都唔知佢平時係「禾稈冚珍珠」，原來係有料之人，今日有雜誌訪問吳日言，佢就自爆有片商曾開價50萬，搵佢拍露點三級片，佢先知自己個價係值50萬。
04年做歌手出道嘅吳日言，入行10年間，同兩間公司解過約，患過情緒病，曾經想過自殺，不過多得好友森美、小儀開解佢，吳日言先走出心結，目前唔止做咗寵物衫公司嘅股東之一，仲做埋有線娛樂節目嘅直播主持，喺圈中一直撈唔起，喺吳日言失意嗰陣，原來曾經有人搵過佢去拍戲，不過拍就係拍，但係09年係有片商搵佢拍露點三級片，仲開價50萬。
據該報道指，當時搵吳日言拍嘅三級片，就係蕭定一監製《3D玉蒲團之極樂寶鑑》，原來想搵吳日言露點上陣，吳日言喺報道話好在嗰時唔等錢用，先冇行差踏錯，就係嗰一次佢先知自己就算露埋點，個價都係值咁多。
|
鍾意就快D Share啦！
|
|
|
