2014年11月18日星期二

龔嘉欣撻著沈震軒火速住埋一齊沈震軒,鍾嘉欣,嘉欣,龔嘉欣,

龔嘉欣撻著沈震軒火速住埋一齊

2014-11-18 13:45:00

(微博圖片)

早前鄧健泓就被爆出同Freeze成員石詠莉拍拖，仲有傳佢哋兩個已經去到談婚論嫁嘅地步，咁鄧健泓嘅舊愛龔嘉欣又點呢？今日就有報道指，佢已經同沈震軒同居住埋一齊。

報道指龔嘉欣同沈震軒早一年前就悄悄搭上，不過期間龔嘉欣身邊出現咗個富二代，搞到沈震軒即刻縮沙，不過龔嘉欣同富二代極速玩完，沈震軒再出撃，兩個本身互相有好感，所以就一撻即著，仲火速住埋一齊。

報道仲影到龔嘉欣有次出咗活動之後，就冇返將軍澳嘅大型屋院，反而就去咗沈震軒所住嘅茅湖仔村。傍晚時份龔嘉欣就一臉素顏戴埋眼鏡，就去到茶餐廳同甜品鋪買外賣，買完就急不及待返到茅湖仔村。而第二日嘅傍晚，就到沈震軒出動，去咗超市買日用品，兩個就好似一對小情侶咁，分工合作，不過兩個都係低調，始終都係冇一齊出動。