吳剛拍完MV技癢 希望拍嘢耍功夫
2014-11-18 02:18:00
(攝影：馬建華)
耐唔耐就有歌手翻唱經典金曲，今次就有張致恆（Steven）同許靖韻（Angela）翻唱最近大熱嘅《相逢何必曾相識》，早前佢哋搵到吳剛同吳麗珠一齊拍MV，今日喺黃埔進行首播，MV中加插咗唔少紙紥公仔做道具，感覺玩味濃，連Steven也笑住話唔明點解有紙紥公仔出現。
翻唱家傳戶曉嘅歌，Steven坦白話有壓力，但一定唔夠原唱嘅好，而Angela指事前唔覺得首歌咁高音，到真正唱時先知技巧好難，不過佢哋都想畀大家一種新感覺，年紀輕輕Angela指首歌喺佢爸爸媽媽年代，身旁Steven即刻好大反應話：「咁我咪同你父母同輩。」Steven公司有一連串翻唱舊歌計劃，佢自己好想唱盧冠庭嘅《快樂老實人》。
入行咁多年第一次接拍MV，吳剛翻睇演出都覺得演技生硬，但好開心可以同吳麗珠合作，再次接觸幕前工作，佢坦白話又再技癢，希望有機會再作演出，最好可以有人搵佢拍嘢耍功夫，對於被指破產一事，佢話「係之前生意上金融糾紛，已經交由律師處理中，財政冇問題。」
翻唱最近大熱嘅《相逢何必曾相識》。
吳剛翻睇演出都覺得演技生硬。
翻唱家傳戶曉嘅歌，Steven坦白話有壓力。
|
鍾意就快D Share啦！
|
|
|
