| 羅仲謙點評22輯《東網Baby》，大讚Alice B（右）半祼掩胸相最有藝術感名列第一，Rosemary（左）則排第二。 | next 1/1 pre |
 | |
| Alice B身形高佻又上鏡，樣子很cool夠晒大體同新鮮感。 | next 1/1 pre |
 | |
| 經驗豐富的Rosemary擺甫士駕輕就熟，展現成熟的美態。 | next 1/1 pre |
 | |
| 謙仔笑言食住「韓風」個勢選擇金愛妍，而且金愛妍身形夠高及好有韓國少女傳統的感覺。 | next 1/1 pre |
 | |
| Annie G.笑容夠燦爛。 | next 1/1 pre |
 | |
| 鄺芷凡擁有健康的美態。 | next 1/1 pre |
 | |
| 樣子甜美的清穗久美子美容夠晒誘人。 | next 1/1 pre |
 | |
| Mia性感不造作令人感覺舒服。 | next 1/1 pre |
 | |
| 膚色黝黑的Milky充滿陽光氣息。 | next 1/1 pre |
 | |
| 閱女無數的謙仔落足眼力品評22輯《東網Baby》靚相。 | next 1/1 pre |
入行前曾當過救生員的羅仲謙，每日面對云云女性穿上三點式，可謂閱女無數，對揀靚女亦有一定評美眼光，早前他應邀為22輯《東網Baby》靚相擔任評審，並選出8強，經過一輪細心分析後，阿謙認為Alice B.的「掩胸相」藝術感重，再加上樣貌有個性，即使老江湖Rosemary也不敵，只能屈居第二！
《東網Baby》自推出以來反應熱烈，阿謙坦言閒時也會click入網站瀏覽，早前他就應《東網》邀請任評審，一切從美感角度出發來評分，結果於22輯靚相中選出5強吸睛度十足的《東網Baby》，分別是「第四代Canon女」Alice B.、「中法名模」Rosemary及「韓籍女模」金愛妍。
要裸露得來又帶點藝術感，阿謙認為模特兒及攝影師亦應記一功，坦言於表情上也要好好控制，稍為差一點也會變成另一回事，但Alice B.的半裸掩胸照配上其一副酷樣，令相片增添藝術氣質，更謂：「Alice B.係云云女仔當中比較有個性，好適合唔同類型牌子嘅model，即使平面同行天橋都得，重點係佢mix得嚟又有少少亞洲面孔，身形高佻又上鏡，仲有啲外國名模feel，夠晒大體！（比Rosemary優勝喺邊？）娛樂圈都係鍾意新鮮感，Rosemary都出道一段時間咯，Alice B.就會畀人哋多啲空間去發掘。」
而15歲便出道的Rosemary，於模特兒界可算是老資格，惟於阿謙心目中卻對新鮮感情有獨鍾，他謂：「一睇落去就睇得出Rosemary經驗豐富，無論擺姿態同表情都係，對鏡頭敏感度十足，但就唔係佢以前少女嘅少女味，依家好有成熟美，所以我畀佢亞軍。」
至於金愛妍，阿謙笑指近年韓風直捲全亞洲，所以他也「食住個勢」選番個正宗韓籍代表，他笑謂：「其實佢個樣都幾cute，比起其他女仔好唔同，身形都ok，又夠高，係好傳統嘅韓國女仔氣質，亦帶一點亞洲性感美。」阿謙亦有讚「翻版楊采妮」鄺芷凡(Omi)及Annie G.擁有健康美，後者更有燦爛笑容。
除了5強之外，阿謙亦推介了屬Baby Fat一族的三輯相，包括清穗久美子的「曱甴肚挨浮艇」、陳靜儀(Mia)的「水中望魚」以及梁婉微(Milky)的「夏威夷風情」。阿謙首先指清穗久美子樣子甜美，屬持久型，更謂：「從相入面睇到佢個人幾開心，擺甫士都唔特別賣弄，表現得幾自然，少少曱甴肚ok，女仔太瘦唔好睇。」
而Mia亦非刻意賣弄豐滿身材，令人感覺舒服，他謂：「作為男士，睇女仔着泳衣都係咁樣舒服啲，相反專登去突出某部份唔係太好，可能會反效果添！」至於Milky，阿謙笑指她乃眾多女仔中，膚色較為黑黝的一人，幸得以外國沙灘作為背景，完全與其膚色作出呼應，配合得相當不錯。
|
鍾意就快D Share啦！
|
|
|
