網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月2日 星期日

黃芷晴背男友 暗嗒孖膶林海峰 芷晴,林海峰,黃芷晴,




【短片】【C1頭條】黃芷晴背男友 暗嗒孖膶林海峰

2014-11-02 00:45:00



其他影片:>>






【C1頭條】黃芷晴背男友 暗嗒孖膶林海峰

黃芷晴男友Byran早被父母黃日華和梁潔華認定是未來女婿,早前甚至有報道指黃日華希望借喜事為患上血癌的梁潔華沖喜,所以不時向女兒催婚。然而,正當大家以為芷晴跟男友好事近之際,原來二人感情卻有暗湧。昨日萬聖節,芷晴竟撇低男友跟一名年約20多歲、貌似孖膶腸嘴林海峰的潮男約會慶祝,芷晴毫無避忌跟對方當街打情駡俏,對孖膶林海峰勁嗒糖。

前日下午芷晴在灣仔接受完電台訪問後,於晚上7時許跟一名年約20多歲、貌似孖膶腸嘴林海峰的潮男在銅鑼灣約會。二人先在京士頓街的時裝店COS睇衫,見芷晴拿起衣服往對方身上左拼右拼,又笑住問對方意見,看來關係匪淺。逛了10分鐘後,芷晴再帶男方到皇室堡參觀小丸子展覽,由於芷晴今次有份為小丸子設計衣服首飾,估計她特地帶孖膶林海峰參觀及問對方意見。最搞笑是二人經過商場柱位時一度以為跟對方失散,會合之後相視大笑,繼而孖膶林海峰輕輕捉住芷晴手臂,表現親暱。

二人在皇室堡逗留15分鐘後離開時巧遇王友良,一行三人於是在街上吹水,之後她再偕芷晴偕孖膶林海峰到利舞台廣場的韓國時裝店ALAND睇衫,男方試帶冷帽之餘又幫芷晴揀衫,甚至不時嗡口嗡鼻表情多多,逗得芷晴全程哈哈大笑,忍不住當眾輕拍對方手臂,二人打情駡俏表現似情侶。芷晴孖男方轉戰時代廣場逛時裝店和書店,前前後後逛足兩粒鐘,再行到范振鋒於灣仔開設的嵐喬嘆日本菜撐枱腳,食到晚上10時40分始捨得離開,齊齊到港鐵站搭港鐵。

記者昨日致電芷晴,對於跟孖膶林海峰約會,她笑說:「佢係好好嘅朋友,做時裝設計,我之前已經陪咗男友去海洋公園玩,佢又約咗自己朋友,我咪約自己朋友去街囉。我同男朋友感情好好,冇問題,噚晚我同朋友食完飯,都有同Bryan食宵夜。」記者指她當街拍孖膶林海峰手臂態度親暱,她笑謂:「佢有個新紋身,我拍吓佢紋身啫。」難道不擔心男友呷醋?芷晴說:「唔會,我男友都識得呢個朋友,佢都知我哋噚晚去街。」



(採訪、攝影:畢紹基、梁繼光、羅德光)



鍾意就快D Share啦!