掃呢頁CODE去手機

2014年11月17日 星期一

周杰倫首晒恩愛照 同昆凌去到「該分享喜悅了」 昆凌,周杰倫,




【閃光彈喪閃!】周杰倫首晒恩愛照 同昆凌去到「該分享喜悅了」

2014-11-17 09:10:00



(MRJ台灣官方專頁圖片)(蘋果日報)

現年35歲嘅周杰倫(周董)同21歲女友昆凌向來愛得低調,就算被影到周董同昆凌行街拍拖,周董總係罩不離面,佢哋喺社交網上亦完全冇擺過合照,不過自從傳出周董求咗婚,周董揚言出年1月18日過36歲生日前,一定會娶昆凌,今年7月女友都有自訂目標,婚後想同周董生夠2至3個小朋友。

今日凌晨3點,周董喺馬來西亞開完演唱會,突然透過「MRJ台灣官方」專頁po出2張同昆凌嘅親密合照,專頁更引述周董好感性咁話:「昨天辦完演唱會,收到了許多歌迷的祝福,希望我幸福快樂,看到你們有些帶著小孩全家大小來看演唱會,與我分享你們的喜悅,我很感動,14年了,也該我跟你們分享我的喜悅了。」

出道14嚟周董都未試過公開同任何女友嘅合照,今次為昆凌獻上「第一次」晒合照,呢個「舉動」都嚇親唔少fans,不過fans都紛紛送上祝福:「一定要幸福!」睇嚟周董好快就娶昆凌,兩人好事越嚟越近啦!



周董公開講同昆凌婚期不遠!





對住昆凌,周董都變得小鳥依人。



周董平時同昆凌行街都係戴晒口罩。



鍾意就快D Share啦!