松隆子回歸《律政英雄》再同木村合作
2014-11-24 14:55:00
日劇天王木村拓哉主演嘅《律政英雄》系列 ，今年開拍續集，將女主角由松隆子換成北川景子，但唔少劇迷都係恨睇木村同松隆子呢對經典螢幕情侶多啲。
而今日，日本方面就宣佈《律政英雄》 將會再開拍成電影版，除咗木村同北川景子呢個陣容，松隆子仲會回歸參與演出，而佐藤浩市就會新加入扮演同木村對立嘅角色。
《律政英雄》喺2001年首播，曾經喺2007年首度搬上大銀幕，到今年夏天再拍攝續集。今次再拍成電影版嘅消息公佈之後，唔少粉絲都話相當期待木村同松隆子再合作有咩火花，電影會喺今個月尾開拍，已安排在明年7月18日於日本上映。
《律政英雄2》今年播出平均錄得21.3%收視成績。
木村喺今年播畢o既《律政英雄2》內，對手換成北川景子。
松隆子落實演出《律政英雄》，將會同木村拓哉再度合作。
|
鍾意就快D Share啦！
|
|
|
