Joey瘦到見骨，都專登著呢條裙上台，希望俾師傅羅記見到自己終於減肥有成績。
同你吟一吟
紀念羅文 容祖兒晒排骨胸
上個禮拜五（十二月十九日）羅文 70歲冥壽，生前一班好友、愛徒齊集會展舉行「不朽傳奇舞台上的羅文紀念音樂會」。
打頭陣出場，係羅記徒弟容祖兒，著住一條大 V高衩吊帶裙上台，盡騷排骨胸， Joey話咁嘅造型背後有原因，事關當年師傅話過佢肥，但佢減極都減唔到，因為當時年紀仲細，周身 baby fat，今時今日，終於可以瘦俾師傅睇。
Joey瘦到皮包骨，相反同樣有份上台表演嘅欣宜，即使全黑打扮，但比圓柱更圓柱，體積足足係 Joey四倍。
歌手獻唱完羅記生前經典金曲後，大會安排咗一個寫住「不朽傳奇」嘅大蛋糕，為羅記慶祝生日，跟隨羅記多年嘅助手 Terry亦有上台，仲激動到喊晒。人走茶涼，其實唔一定。
|
鍾意就快D Share啦！
|
|
|
