掃呢頁CODE去手機

2014年12月25日 星期四

[壹週刊 - 1294] 剷青頭仿鬚根 君如假俞琤上身 君如,俞琤,吳君如,M1,




吳君如同俞琤關係曾經千絲萬縷,似樣,唔出奇!

同你吟一吟

剷青頭仿鬚根 君如假俞琤上身

賀歲片《 12金鴨》上星期三(十二月十七日)响九龍城一間泰國菜館拍外景,監製兼主角吳君如,帶住三位囝囝包括「金裝」劉浩龍、「黑實」姜皓文以及「白淨」 Baby John蔡瀚億「三色鴨」現身。

戲中造型中性嘅吳君如,戴帽戴口罩扮完韓國人氣偶像 G-Dragon,今次換上西裝,加埋個剷青頭同假鬚根,唔單只洪興十三妹上身,仲同佢前度密友俞琤有幾分相似。

舊年賀歲吳君如碌爆人情咭拍《金雞 SSS》,大收 4,200萬,今年再嚟《 12金鴨》,但想冧庄再攞本地賀歲片票房冠軍,就要 KO鄭秀文、吳鎮宇、張智霖嘅《衝上雲霄》同周潤發搭張家輝、劉嘉玲嘅《賭城風雲 II》,隨時仲要加埋成龍部《天將雄獅》喎!不過咁,收雞出鴨,起碼新鮮,否則,仲難砌。

金鴨

多得天后女友 Joey帶挈過檔太陽娛樂,劉浩龍有份拍賀歲片!

除咗扮俞琤,吳君如仲扮埋老翻 G- Dragon,當日仲安排咗蛋糕,同 Baby John慶祝生日。

扮鬼扮馬扮男人,吳君如拍完戲收工走人換番條裙,啱嘅,平衡吓嘛!

Baby John同姜皓文一齊做鴨,天寒地凍,黑仔拍完一個 shot,即刻著番件羽絨。



鍾意就快D Share啦!