掃呢頁CODE去手機

2014年12月25日 星期四

[壹週刊 - 1294] 章小蕙范姜中環混吉 章小蕙,范姜,M1,






童裝店大減價,范姜落足眼力,原本對手上呢條白裙仔好有興趣,但最終都冇買到。

同你吟一吟

章小蕙范姜中環混吉

世事嘅嘢,有時巧合到你唔信,早排《壹》仔先影到兩位退役、現役 B嫂現身銅鑼灣,章小蕙買 BV,范姜買童裝;上個禮拜,兩位 B嫂又再出動鳩嗚,地點變咗中環。

上個禮拜一(十二月十五日)晚七點,范姜孖住助手現身中環太子大廈,見到有童裝做緊大減價,立即入去尋寶。

雖然落足眼力,件件都攞上手,不過范姜最後冇幫襯就走人。第二日(十六日),又係中環,《壹》仔見到章小蕙一個人行置地廣場,不過今次唔係 BV,而係 LV。

集中火力睇高踭鞋,仲要係五吋踭,不過試完睇完一大輪,佢同范姜一樣,搞搞震,冇幫襯。

章小蕙攞住隻五吋踭(黃圈),左諗右諗,皺晒眉頭。

天口凍,戴帽嘅章小蕙企响大廈門口等的士,由於阻住人出入,俾人眼睥睥。



鍾意就快D Share啦!