掃呢頁CODE去手機

2014年12月31日 星期三

[FACE - 397] 單身 3年  dry過《來生》 An霸  45歲張可頤:“我都唔知可以點” 張可頤,MF,




週日( 28日)凍到得 10度,張可頤戴晒冷帽頸巾加皮草,準備返母親屋企食飯,期間頂住凍在公園接受訪問話:「仲未遇到(男友)囉!」

封面

單身 3年  dry過《來生》 An霸  45歲張可頤:“我都唔知可以點”

港視神劇《未生不做香港人》劇情爆兼對白超到肉,女主角 An霸張可頤做潑辣香港女強人更加入型入格,鬧餐廳用殘體字一幕,直頭傳神到想拍手掌嗌好!

45歲可頤姐拍戲交足戲,可惜感情路卻好崎嶇,自從 3年前同金融才俊曾安邦分手後,張可頤感情一直冇着落。週日( 28日)在天寒地凍下,更忍不住向本刊吐心聲話:「要搵一個 stable男友唔係咁容易!」聽落有啲擔心喎!








張可頤在戲中睇強國人唔順眼,同家姐劉美君更經常因「國情唔同」而意見分歧鬧大交,但週日張可頤在 10℃凍到震天氣下,獨自返娘家食飯時,卻向本刊透露對強國男改觀:「我近呢兩年都不停喺度變喎,最近喺上海拍咗 3個月戲,對當地印象非常好,我覺得我唔會排除同內地人發展囉!」

《來生》張可頤同 Hill少潘燦良本來已準備結婚,點知婚前北上偷食兼悔婚搞到臨場縮沙!現實中張可頤應該冇 An霸咁硬淨。

早前可頤接母親外出,問張媽媽有冇迫婚,張可頤笑說:「以前有,𠵱家就冇囉!」

唔抗拒強國男

2年前《來生》開拍時,要以劇名《客家女人》避開內地審查。

圖片

An霸又話自己由讀書開始,由細到大都已經有接觸不同國籍人士,如今張小姐願意接受強國男,但她則堅稱尚未有拖拍,言談間更對戀事顯得頗擔心:「我未遇到囉,我都唔知可以點,我成日都唔喺香港,又成日周圍飛,要搵一個 stable嘅男朋友其實都唔係咁容易,都冇咩把握可以維持到囉!」

張可頤冇拍拖,但上週五( 26日)卻忽然有傳有一四眼男在張可頤家中過夜,至週六( 27日)下午,才由張可頤駕車接載返家。本週一( 29日),本刊問該四眼男是否跟張可頤發展中時,該四眼男只推說:「冇呀!冇呀!」而張可頤則故作神秘說:「唔係唔係,你哋諗多咗啦,冇過夜!」其後本刊追問見到四眼男冧拖另一女子,張則說:「唔講啦,係都唔會鍾意佢囉,遲啲你哋就知」

煲開冇米粥

《蘋果日報》圖片

'08 金融才俊

08年跟金融才俊曾安邦拍拖,一席傳出二人訂婚,但 11年張可頤主動表示跟曾已經分手。

圖片

'11 老外閃現

跟曾分手後,張可頤曾被影到跟外籍男撐枱腳,但張堅稱二人只係朋友。

《蘋果日報》圖片

'00 拖經理人

2000年曾跟經理人陳容森相戀,但後來因台灣索女奀妹傅天穎介入而分手。

男伴拖女「劈腿?」

張可頤:遲啲你哋就知!

27日 上週六,本刊發現四眼仔在可頤家過夜後,由可頤揸車載佢返屋企。

28日

週日,卻又發現四眼男拖住一中年女子,但張可頤說:「遲啲你哋就知」

週一( 29日)連續三日冇換衫褲嘅四眼男拒絕回應跟可頤關係,只說:「冇呀!冇呀!」

集集追睇

張可頤拍拖冇把握,但對於拍劇就仍然有熱誠,近年主力於內地拍劇的 An霸更稱自己都未睇過最終完成版( final cut),家陣同大家一樣要集集追,又覺得 An霸爆出同 timing好有關,「我今次真係好好彩,因拍到個好好嘅劇本,佢哋(編審鮑偉聰等人)好似洞悉先機咁,我覺得 An霸係我做電視咁耐,喺呢個 timing下出街,係最有意思嘅劇!好似上天要畀香港觀眾喺呢個時候睇到呢部劇咁!」換轉仲喺大台,咪睇唔到呢啲劇種囉!

雖然在香港電視台做一姐,但在內地卻要從頭開始, 13年拍《陸貞奇緣》都只係做女配角。

去年港視失牌,已滿約的張可頤都有同其他演員一齊抗議,夠義氣!

45歲 keep得好

敢素顏

張可頤雖然年屆 45歲,但係一樣敢做完 gym後素顏影大頭,仲唔使 PS直出,呢份膽量,你估少嘢呀?

網上圖片

雖然都係自拍,不過可頤拿住個啞鈴一啲都唔港女喎!

網上圖片

網上圖片

歎世界

10月返上海拍劇期間張可頤仲同朋友去公園瞓吓草地,心態 keep得好少女!

《來生》金句回帶

港視《來生》除咗場景現實,連對白句句諗過度過,絕對唔會出現煮個麵畀你食等浪費時間對白,值得回帶㗎!

張可頤( An霸)

香港都係用正體中文嘅地方,請尊重港人!

點解香港會變成咁?

劉美君(四口姐)

香港係中國地方,遲早都要融合!

唔使擔心,我大把錢!

你真係唔了解國情!

潘燦良( Hill少)

大家都係中國人,血濃於水,南北一家親。

你呢啲叫假民主,真獨裁。

陳丹丹(張總)

一艘就沉嘅郵輪,除咗棄船之外,都冇乜嘢可以再留戀

時代唔同

中港融合 強國男嫁得過?

我唔排除同內地人發展囉!

真實對白

張可頤身材一向正, 03年一輯零 P圖水着真經典。

連 Angelababy都同強國黃曉明拍到難捨難離,張可頤仲想拍拖兼連強國男都係射程範圍,以張小姐 45歲人仲 keep得咁 fit,中英文 talk得學歷高,要喺強國搵個伴其實冇乜難度,但真係要小心揀囉,大台班姊妹有辦你睇㗎,撞正個好似思琦妹老公吳帥咁,揀錯咗真係冇得返轉頭!

圖片

最幸福 張晉、蔡少芬

蔡少芬呢 pair算係最幸福一對,娶咗蔡少芬後,張晉愈打愈出色,喺《一代宗師》更加技驚四座,所以話揀老公要睇長線,揀潛力股真係考眼光㗎!

《忽然 1周》圖片

揀錯貨 吳帥、楊思琦

為咗吳帥,楊思琦不惜飛起拍拖 9年的男友李泳豪,更加要未婚產子搞到形象破產,最慘吳帥原來係空心,之後更加失蹤不盡父責,可頤姐揀佬應該冇咁失敗。

食嫩草 張鐸、陳松伶

天涯歌女陳松伶 11年下嫁後生過佢 9年的老公張鐸,雖然老公冇知名度又冇乜貨,不過後生精力夠,你懂的!

仲要捱 朱少杰、郭羨妮

另一對郭羨妮同朱少杰就冇咁好彩啦,武師朱少杰打極出唔到位,老婆郭羨妮又愈做愈霉,聽講之前仲因為老公搵錢少而嘈過交添!



鍾意就快D Share啦!