HKTV新劇《來生不做香港人》演繹中港矛盾 高登仔激讚
2014-12-14 21:13:00
HKTV(港視)上個月19號開台，兩套開台劇《選戰》同埋《警界線》起初網民都讚爆，不過《警界線》去到後尾開始膠化，網民話佢虎頭蛇尾，而仲播緊嘅《選戰》水準算穩定，嚟到播嘅第3套劇，就係本身叫《客家女人》，之改咗名嘅《來生不做香港人》。
就咁睇個劇名，唔知觀眾係多咗興趣定係反感?本身呢套都算係重頭劇，不過宣傳又唔算特別多，網上本來留意佢嘅人唔多，不過星期五首播，網上反應出奇地好，都未播第2集，奄尖嘅高登仔已經推爆PO，連香港討論區嘅網民都話呢套劇拍得好，夠晒寫實。
好多人睇個名或睇完Trailer以為係師奶港女劇，但睇落去除咗剖析中港矛盾，睇落好似2年前大台套《巨輪》，格局差不多，都係講兩兄弟/姊妹，分隔兩地之後點樣成長嘅故事。但《巨輪》冇實景，要拍歷史嘢，搞到穿崩極多，極速膠化，而呢套《來生不做香港人》就係全實景拍攝，真係去咗東莞嘅農村拍，唔似得大台又要講歷史，但又拍唔出歷史味。
劇入面嘅人物刻劃都相當好，好似落咗香港嘅張可頤，點解會變成一個好有控制慾嘅港女，留咗喺內地嘅劉美君變成暴發戶，但觀眾從佢哋未發跡前嘅故事就會對佢哋恩怨略知一二。最令網民讚嘅係套劇啲對白同人物刻畫得好，變成港女嘅張可頤英文法文樣樣精通，喺高級餐廳點樣同家姐劉美君鬥法，劉美君同老公曾偉權嘅土豪氣令人發笑，但劇情亦冇過份渲染，同時亦批判張可頤份人白鴿眼，唔會側埋一邊。而回憶兩姊妹個媽媽(龔慈恩飾)自殺一段，好多網民仲話睇到喊添!
網民都好認真咁評價套劇:
「呢套真係幾好睇，講真果時警界線第一集係youtube出果時我相信都有幾多人好似我咁覺得套野一般般，但係見有個大衛可以出來打TVB呢隻歌利亞就唔多唔少投射左D個人感受就講到好好睇，警界線我睇到一半已經係為左追完就算，結尾點樣都廢時再講。」
但呢套真係幾正，至少佢D對白貼地，真係似平時人對人對答，特別係大陸果幾幕，警界線果D對白我真係頂唔順，我以為睇緊TVB 有無人知呢套有幾多集??希望唔好爛尾。」
「本身驚佢狗血婆媽，但睇完第一集完全唔覺。節奏好適中，冇做多餘嘢。對白明顯係好俾心機寫，演員連細路女都演得好，我決定會睇多一集。」
「劉美君似足我大陸嘅土豪親戚，睇到我好有親切感」
「之前睇佢咁多套介紹最冇興趣係呢套，睇完第一集真係嚇死人，點解可以咁寫實都咁好睇，希望後面keep到水準，單就第一集來講我覺得正過警界線。」
「餐廳果度演繹得好好!! 劉美君好厚面皮,有錢大晒咁，張可頤白鴿眼，覺得高人一線，仲知道(睇死)佢家姐會食咩，侍應仔都比到戲，第1集真係好好睇。」
《巨輪》當年嘅穿崩
《巨輪》話最後一班白衣人衝去登記做香港人，勁奇怪。
由舞台劇演員去到做電視嘅潘燦良，都受到網民讚賞。
網民都讚一對小演員做得好好。
劉美君經常要講方言，睇得出下過苦功。
家姐因為一時疏忽照顧阿妹，搞到冇咗去香港嘅機會。
大台敢唔敢拍呢啲?
龔慈恩做嘅阿媽之後自殺，網民話睇到喊。
實景拍攝，令人睇得投入好多。
家姐劉美君大個之後發咗達，變成土豪。
講返以前內地嘅對白，都好似。
母親將細妹掉包過香港讀書，家姐勁追。
高登仔好留意少女版張可頤
劉美君演繹嘅土豪都睇得香港人好有共鳴。
高登仔點睇
高登仔點睇
高登仔點睇
高登仔點睇
香討網民點睇
|
鍾意就快D Share啦！
|
|
|