【短片】【Mandy大肚】家中暈倒撞傷唇入院 Mandy Lieu照孕婦超聲波
2014-12-21 19:15:00
今日有周刊報道名模Mandy Lieu懷孕，0依家已飛返大馬安胎，事實上，日前Mandy一臉素顏兼拖晒篋，現身養和醫院，當晚佢按住肚兼掩晒口作嘔，仲同護士講個肚好唔舒服，狀甚辛苦。
據周刊報道，當晚Mandy向醫護人員表示，自己喺地上暈倒，唔小心撞傷嘴唇，所以要睇急症，其間佢仲秘密入院檢查，並做咗多項腹部檢查，當中包括照孕婦超聲波。
周刊又引述知情嘅醫護人員表示，指Mandy並非普通腸胃炎，而且佢本身模特兒出身，身形纖瘦，但係上下圍都明顯豐滿咗，行路嗰陣條腰仲硬繃繃，完全有晒懷孕跡象。另，報道又指當晚有人見到周焯華（洗米華）司機現身養和，話係接Mandy出院喎。
洗米華太太陳慧玲懷孕四個幾月，0依家Mandy Lieu又爆出大肚，爭寵劇情相當精彩，好睇過啲膠劇啦﹗
（資料圖片）
報道又話Mandy做咗多項檢查，包括照孕婦超聲波。（資料圖片）
Mandy曾以「人肉梳化」陪洗米華玩百家樂。（資料圖片）
有報道指原來Mandy Lieu係因為喺家中暈倒，唔小心撞傷嘴唇，所以入院睇急症。（資料圖片）
|
鍾意就快D Share啦！
|
|
|