郭晉安民選視帝 阿佘捨己爆Seed 郭晉安,佘詩曼,阿佘,

郭晉安民選視帝 阿佘捨己爆Seed

今屆《萬千星輝頒獎典禮2014》的視帝、視后今晚出爐！逾五十位藝人率先自爆喜好，選出心水視帝、視后人選，其中大比數被投選為視后的阿佘，得悉賽果後笑言唔識點答，頒獎禮隨時有變數，亦大讚對手演技出色！

郭晉安：「佢係大熱門、Win硬！」

成為星級視帝之選的安仔，無疑令爭獎之信心不斷上升，他除在此先說多謝，並笑言：「如果我真係選到，我要準備6位數字大擺慶功宴！因為要請晒《忠奸人》、《老表，你好hea！》兩組台前幕後食飯！」

佘詩曼：「一定揀林峯同郭晉安，安仔真係做得好好，阿峯就係拍檔，如果冇爆Seed就冇釘姐，所以我寧願將選視后嗰票畀埋視帝。」	視后之選 佘詩曼 徐子珊：「劇中角色好適合佢，演得好有水準。我一路都有追睇部劇，佢真係做得好好。」	高海寧：「我同阿佘合作拍《使徒行者》，目睹佢喺現場點樣做到感動人心，之後睇番佢喊嗰啲都好心噏。同埋個角色好難演，調皮得嚟又唔可以過龍，最厲害係一埋位即刻喊，好犀利！」
胡定欣：「阿佘係大熱，佢個勢好強勁。」	羅仲謙：「今次我睇好阿佘，因為我覺得佢真係做得好好，加上天時、地利、人和！（為何不選楊怡？）其實我票就投咗o架喇，不過問到心水我就會揀番阿佘。」	胡杏兒：「揀阿佘因為首先《使徒行者》收視好二嚟佢演技又好，今年係大熱門呀！（不揀好友胡定欣？）我想支持佢，不過唔能夠畀太多感情分，只可以私底下支持！」
視帝之選 馬德鐘 馬德鐘：「冇理由連自己都唔支持啫！」	視帝之選 陳展鵬 龔嘉欣：「友情票，佢之前喺新加坡都攞咗個視帝，希望佢再下一城。」	視帝之選 王祖藍 曾志偉：「賽果爆冷先好睇，係就喜上加喜囉！」
萬綺雯：「合作多次，都有感情分，同埋安仔做奸角真係好型！」	視帝之選 郭晉安 吳若希：「我好多年前已經鍾意睇郭晉安做戲！佢今次喺《忠奸人》裏面亦正亦邪，好有發揮！」	視后之選 鍾嘉欣 鍾嘉欣：「梗係支持番自己！」
視后之選 楊怡 楊怡：「純粹係投自己一票。」	視后之選 徐子珊 朱千雪：「《再戰明天》同《以和為貴》都同佢合作，我已經叫佢做家姐。」	視后之選 黃翠如 蕭正楠：「我明知佢冇機會，但我都投佢，最少有我呢一票。」
黎耀祥：「雖然郭晉安喺《忠奸人》的角色好特別，佢亦演得好好，但我對自己都好有信心，梗係要投番自己一票。」	鄭俊弘：「視帝就梗係揀黎耀祥！因為我同佢喺劇集《名門暗戰》有好多對手戲，佢會好耐心咁解釋每場戲畀我聽，佢絕對係好戲之人！」	視帝之選 黎耀祥 黃浩然：「我梗係揀祥仔（點解唔揀自己？）因為阿祥仔話佢如果攞唔到第四個視帝，我都唔會有得攞！所以我梗係要投佢一票」
視帝之選 林峯 何廣沛：「林峯喺《使徒行者》入面演出好好，亦能夠帶動全劇。」	黃智雯：「我有追《使徒行者》，阿峯今次演得好好，有別佢過往嘅作品，都幾突破。」

鍾意就快D Share啦！

下一篇 》