【越難越愛】22歲吳若希曾吞安眠藥自殺 情傾57歲「股票神童」
2015-01-27 11:17:00
佢…也有受過傷的時候…(資料圖片)(蘋果日報)
一首洗腦歌《越難越愛》唱到冇人唔識嘅吳若希，出道5年都冇咩人識，依家多得大台力捧，先算有番啲人氣，不過，佢嘅情路比工作更精彩，今日有周刊指，22歲嘅吳若希自爆前年本來同大佢15年嘅男友拍拖，感情都幾穩定，但就過未到男友媽咪嗰關，吳若希冇咗個情郎，又傳小腹生瘤，患上「功能性水瘤」屙血，令一向人前開朗嘅佢飽受打擊，竟然患上抑鬱症，仲試過食晒成樽安眠藥，雖然現時已經好番晒，不過情緒唔穩時，仍要服藥。
據報道指，吳若希因為前經理人「老豆」Simon(戴榮添)介紹咗唔少金融才俊打關係，早前傳吳若希同陳淑蘭前男友王弼變(Jason)傳緋聞，譜出父女戀。現年57歲有「股票神童」之稱嘅王弼變足足大吳若希成35年，報道指佢哋搞地下情一年，不過身邊老友都唔多睇好，有傳吳若希仲帶咗對方去見家長，男友知女方目前要上位，佢都唔想公開戀情，甘願暗中支持女友。
吳若希之前都自爆過細個家境窮，由福建2千呎大屋搬到香港4百幾呎公屋，令佢好慳家，仲話接受男友多過自己好多，無年齡限制，之前同佢拍拖嘅男友都係大佢好多，自己接受唔到同34歲以下嘅男人拍拖，認為男友去到35歲先識「人情世故」。
|
鍾意就快D Share啦！
|
|
|
