掃呢頁CODE去手機

2015年1月21日 星期三

[FACE - 400] 蕭正楠黃翠如 由早見到晚直落返歸 翠如,蕭正楠,黃翠如,MF,




後台二人起勢傾,企喺旁邊嘅同事都唔知搭唔搭嘴傾埋一份好!

全知言

蕭正楠黃翠如 由早見到晚直落返歸

去年初已經拍完,播期一拖再拖嘅《師奶 Madam》終於上週一( 12日)首播,由於呢部劇令大纜扯唔埋嘅蕭正楠同黃翠如撻着,故事講咩都已經唔係重點了!

上週日( 11日),《師》劇喺商場做宣傳,男女主角梗要現身當日全知言就前台後台睇到實,發現蕭正楠同翠如 BB已經去到毫無避忌,公然打情罵俏嘅地步。拍拖將近一年,期間又傳有第三者吳若希介入都無損二人感情,睇到全知言眼都紅晒!

完咗宣傳,其他人各有各走,蕭正楠同翠如 BB亦好自然地一齊落停車場攞車,再齊齊返蕭正楠位於荔景嘅寓所!由早到晚、人前人後都表現恩愛,睇怕呢 pair都幾難俾第三者乘虛而入喎!

《師》劇都係講蕭正楠同翠如 BB因為做嘢而焗住一間屋,最後當然擦出愛火花咁同現實真係好相似喎!

泊好車,蕭正楠做完司機做阿四,翠如 BB就跟住後面玩電話,呢啲咪叫默契囉!



鍾意就快D Share啦!